تايلاندتىڭ ەكس- پرەمەرى قاماۋدان بوساتىلدى

 استانا. قازاقپارات - تايلاندتىڭ بۇرىنعى پرەمەر- ءمينيسترى يينگلاك چيناۆاتتى اسكەريلەر قاماۋدان بوساتتى. بۇل تۋرالى امەريكاندىق Wall Street Journal  گازەتىندە جاريالاندى دەپ حابارلايدى يتار- تاس.

 بۇعان دەيىن چيناۆات اسكەري بازادا قاماۋدا وتىر دەگەن اقپار بەرىلگەن بولاتىن. قازىر باسپا ءسوزدىڭ حابارلاۋىنشا، ول قايتادان ءۇي قاماۋىنا الىندى.

امەريكاندىق CNN تەلەكومپانياسى دا اتالعان اقپاراتتى راستاعان بولاتىن. ولاردىڭ مالىمدەۋىنشە، اسكەريلەردىڭ وكىلدەرى چيناۆاتتى بوساتىپ، وعان تەك كومەك كورسەتىپ، بەيبىتشىلىكپەن ءتارتىپتى ساقتاۋىن وتىنگەن. توپ وكىلدەرى ەكس- پرەمەرگە ساياسات پەن شەرۋشىلەردەن اۋلاق ءجۇرۋىن ەسكەرتكەن.

بۇعان دەيىن حابارلاعانىمىزداي، 24 - مامىردا تايلاندتىڭ اسكەري ۇكىمەتى ءوزىنىڭ بۇيرىعىمەن جانە اسكەري جاعداي تۋرالى زاڭعا سايكەس ەلدىڭ سەناتىن تاراتىپ جىبەردى.

سەنات تاراتىلعاننان كەيىن، اسكەري ۇكىمەت ەندى زاڭنامالىق جانە اتقارۋشىلىق بيلىكتى تولىق قاداعالايتىن بولادى.

  اۆتور: گۇلميرا عوسمانالي