رونالدينو الەم چەمپيوناتىندا ءۇيىن جالعا بەرمەك

استانا. قازاقپارات - برازيليالىق «اتلەتيكو مينەيرو» كلۋبىنىڭ ويىنشىسى رونالدينو ريو- دە- جانەيرو قالاسىنداعى ءۇيىن الەم چەمپيوناتى كەزىندە جالعا بەرۋگە شەشىم قابىلدادى.

 بۇل تۋرالى ويىنشى Facebook جەلىسىندەگى رەسمي پاراقشاسىندا حابارلادى، دەپ جازادى  kazsporttv.kz.

34 جاستاعى فۋتبولشى ءوز ەلىندە وتەتىن الەم چەمپيوناتىنان تابىس تابۋدى ءجون دەپ شەشكەن. الايدا ول ويىنشى رەتىندە تەڭبىل دوپ دوداسىنا قاتىسا المايدى. فۋتبولشىنىڭ پاراقشاسىندا ءۇيدىڭ سۋرەتتەرى دە جاريالانعان. رونالدينو ءۇيىن ءبىر تاۋلىككە جالعا الۋ ءۇشىن 15 مىڭ دوللار تولەۋ قاجەت. 

 رونالدينو 2004 جانە 2005 - جىلدارى ف ي ف ا نۇسقاسى بويىنشا الەمنىڭ ەڭ ۇزدىك فۋتبوشىسى اتاندى. - ول 2002 - جىلعى الەم چەمپيونى. برازيليا قۇراماسىنىڭ باس باپكەرى لۋيس فەليپە سكولاري فۋتبولشىنى ءوز ەلىندە وتەتىن چەمپيونات قاتىساتىن ويىنشىلاردىڭ تىزىمىنە ەنگىزبەدى. 

  ايتا كەتەيىك، فۋتبولدان الەم چەمپيوناتى 12 - ماۋسىم مەن 13 - شىلدە ارالىعىندا برازيليانىڭ 12 قالاسىندا وتەدى. توپتىق كەزەڭدەگى الاڭ يەلەرىنىڭ قارسىلاسى - حورۆاتيا، مەكسيكا جانە كامەرۋن. 

  چەمپيوناتتان «قازاقستان» ۇلتتىق تەلەارناسى مەن «KAZsport»  تەلەارناسى تىكەلەي ەفيردەن حابار تاراتادى.