ۋكراينانىڭ جاڭا كوشباسشىسى قازاقستانمەن ىنتىماقتاستىقتى نىعايتۋعا نيەتتى

استانا. قازاقپارات -  ۋكراينا پرەزيدەنتتى لاۋازىمىنا ۇمىتكەر پەتر پوروشەنكو كيەۆتە ءبىرىنشى باسپا ءسوز ءماسليحاتىن وتكىزىپ، جاڭا سايلانعان مەملەكەت باسشىسىنىڭ العاشقى قادامدارى قانداي بولماق ەكەنىن، ونىڭ رەسەيمەن قالاي قارىم- قاتىناس ورناتاتىنى جانە ن. نازاربايەۆپەن بايلانىسى قانداي بولماق دەگەن سۇراقتارعا جاۋاپ بەردى،

 دەپ جازادى 24.kz ارناسى.

پوروشەنكو ۋكراينا پرەزيدەنتى بولىپ سايلانسا نەمەن اينالىساتىنى جايلى ايتتى. سونىڭ ىشىندە، ۋكراينانىڭ جاڭا كوشباسشىسى قازاقستانمەن بايلانىستى دامىتۋ كەرەك دەپ سانايدى. پەتر پوروشەنكونىڭ سوزىنە قاراعاندا، نۇرسۇلتان نازاربايەۆقا دەگەن قۇرمەتى جوعارى جانە ءبىزدىڭ ەلمەن ىنتىماقتاستىقتى نىعايتۋعا نيەتتى، دەپ اتاپ ءوتتى تەلەارنا.

«مەن قازاقستانعا كەدەن وداعىنا قاتىسسىز- اق قۋانا كەلەمىن. بىزدە ەكىجاقتى ىنتىماقتاستىقتىڭ شەشۋدى قاجەت ەتەتىن كوپتەگەن ماسەلەلەرى بار. ەكسپورت، ساۋدا، قاۋىپسىزدىكتى قامتاماسىز ەتۋ سالاسىندا قولعا الاتىن ىستەر كوپ. مەنىڭشە، قازاقستانمەن بايلانىس جاساۋ ۋكراينا پرەزيدەنتىنىڭ ءبىرىنشى كەزەكتە قولعا الاتىن باسىمدىقتاردىڭ ءبىرى» ، - دەپ اتاپ ءوتتى ۋكراينا پرەزيدەنتتىگىنە ۇمىتكەر پەتر پوروشەنكو.

كەزەك كۇتتىرمەيتىن ماسەلەلەردىڭ ءبىرى رەتىندە پوروشەنكو رەسەيمەن قارىم- قاتىناستى اتاپ ءوتتى. «رەسەي - بۇل ءبىزدىڭ ەڭ ۇلكەن كورشىمىز. قالىپتاسقان كۇردەلى ماسەلەلەرگە قاراماستان، بىزدە جيىلعان ماسەلەلەردى شەشۋگە بىردەن كىرىسۋگە مۇمكىندىك بەرەتىن فورماتتار جەتكىلىكتى» ، - دەدى ول.

ۋكرايناداعى پرەزيدەنت سايلاۋىنا داۋىس بەرۋشىلەردىڭ 60 پايىزى قاتىستى. بۇل - ورتالىق سايلاۋ كوميسسياسىنىڭ مالىمەتتەرى. پرەزيدەنت ورنىنا كۇرەستە حاتتامالاردىڭ ەكى پايىزىن ەسەپتەۋدەن كەيىن پەتر پوروشەنكو جەڭىسكە جەتتى. ميللياردەردىڭ جيناعان داۋىسى - 55,3 پايىز. ەكىنشى ورىندا - بۇرىنعى پرەمەر- مينيستر يۋليا تيموشەنكو - 12,5 پايىز.