كەڭسە اۋرۋلارى قانداي اۋرۋلار؟
دەگەنمەن، كومپيۋتەر الدىندا ساعاتتاپ وتىرۋدان شارشايتىن قۇبىلىس پايدا بولعانىن دا جوققا شىعارۋعا بولمايدى.
سونىڭ سالدارىنان جۇمىسقا دەگەن قۇلشىنىسى تومەندەپ، كۇيزەلىس بەلەڭ الىپ بارادى. سونداي-اق، جۇرەك قان-تامىرلارى مەن اسقازان اۋرۋلارىنا شالدىعۋىڭىز دا مۇمكىن.
مۇنداي دەرتتەردى عالىمدار «كەڭسە اۋرۋلارى» اتتى ءبىر ۇعىمعا سىيدىرىپ وتىر. عالىمدار كەڭسە قىزمەتكەرلەرى اۋرۋى قاتارىنا تاعى ءبىر دەرت قوسىلدى، دەيدى.
ادام كومپيۋتەر الدىندا وتىرىپ، جازۋ جازعاندا قالىپتى تىنىس الا المايدى. ناتيجەسىندە وكپە وزىنە كەرەكتى مولشەردەگى وتتەگىن سىڭىرمەيدى. سونىڭ سالدارىنان، دەنەدە ارتىق سالماق پايدا بولادى. بۇل دەرتتەن ادامداردىڭ 80 پايىزى زارداپ شەگەدى.
ەكىنشىدەن، قىزمەتكەر مونيتورعا قاراپ وتىرىپ، كوزىن ءجيى جىپىلىقتاتۋدى ۇمىتادى. ول - قۇرعاق كوز سيندرومىنا اكەلىپ سوقتىرادى. كوزدى مينۋتىنا ەڭ از دەگەندە 20 رەت جىپىلىقتاتۋ كەرەك، دەيدى ماماندار. جۇمىستى الدەقايدا جەڭىلدەتەتىن تىشقان مەن پەرنەتاقتانى ۇزاق پايدالانۋ ساۋساقتىڭ سەزىمتالدىق قاسيەتىن جوعالتادى.
ونى بولدىرماۋ ءۇشىن 2 ساعات سايىن ساۋساق پەن الاقانعا جاتتىعۋ جاساپ تۇرۋ كەرەك. ادام ءبىر ساعاتتا 35 گرام كومىرقىشقىل گازىن جۇتادى. ال ەگەر كەڭسەدە حالىق كوپ بولسا، ءارى جەلدەتكىشتەن توقتاماي جەل ۇرىپ تۇرسا، وتتەگى مولشەرى تومەندەيدى.
سونىڭ سالدارىنان ادامدا السىزدىك، تەز قاجۋ پايدا بولادى. كومپيۋتەردىڭ جانىنا كەز كەلگەن ءۇي وسىمدىگىن نەمەسە كاكتۋس قويىپ قويىڭىز. كاكتۋس قۇرىلعىدان بولىنگەن زياندى ساۋلەلەردى وزىنە ءسىڭىرىپ الادى. جۇمىس بارىسىندا ۋاقىتىڭىز بولسا، ليفتىمەن كوتەرىلگەننەن گورى، ساتىمەن ءجۇرىڭىز. دەنساۋلىققا وتە پايدالى، ءارى ارتىق سالماقتان دا ارىلاسىز.
«قازاقستان»
