مارستا باسىنا كرەست قويىلعان قابىر تابىلدى - كەسكىن
ول بۇل جولى باسىنا كرەست ورناتىلعان قابىر تاپتى، دەپ جازادى utro.ru.
بۇل سۋرەتتى مۇقيات زەرتتەپ قانا قويماي، ول جايلى ۆيدەو جاساپ شىققان «Truthseeker» دەگەن نيكتى جەلى پايدالانۋشىسىنىڭ پىكىرىنشە، مارستا بايقالعان ءدىني سيمۆول اعاشتان جاسالعان كرەست. ال شاعىن پليتا بەلگى تاسقا ۇقسايدى.
«بۇل قابىردەگى ولگەن ادامنىڭ ەسىمى جازىلاتىن بەلگى تاسقا ۇقسايدى. بۇل NASA جاريالاعان سۋرەتتەردىڭ ىشىندە كرەستتى بايقاۋعا بولاتىن مارستا تۇسىرىلگەن سۋرەتتەردىڭ العاشقىسى ەمەس»، - دەگەن جەلى پايدالانۋشىسىنىڭ ءسوزىن cryptozoologynews.com جازدى.
ەسكە سالا كەتەيىك، ءساۋىر ايىنىڭ باسىندا Curiosity جەرگە جىبەرگەن سۋرەتتەرىندە اشىق ءتۇستى جولاق بولعان. عالىمدار مۇنى مارس جارتاسىنداعى كۇن ساۋلەسىنىڭ شاعىلىسۋىنان پايدا بولدى دەپ تۇسىندىرگەن.
الايدا ەرەكشە قۇبىلىستارعا اۋەس جاندار بۇل جارىق مارستاعى ءومىردىڭ بار ەكەنىن ايعاقتايدى دەپ وتىر.
