مەيرامبەك بەسبايەۆ ارتىستەر اراسىندا فۋتبولدان الەم چەمپيوناتىنا قاتىسۋدا
العاشقى كەزدەسۋدە قازاقستاندىقتار گوللانديالىقتارعا 1:2 ەسەبىمەن ەسە جىبەردى.
وتاندىق ارتىستەردىڭ اراسىندا قارسىلاستاردىڭ قاقپاسىنا جالعىز دوپتى دارىتقان سۇلتان كۇنتۋعان بولدى. باسقا ماتچتاردا رەسەي ەستونيانى 2:0 ەسەبىمەن ۇتتى. ەكىنشى ويىندا قازاقستان رەسەيمەن، ال گوللانديا ەستونيامەن كەزدەسەدى.
بۇل جارىسقا الەمنىڭ 16 كومانداسى قاتىسۋدا. ولار ءتورت توپقا بولىنگەن. ەرەجە بويىنشا، ءاربىر كوماندا ارتىستەردەن باسقا 35 تەن جاس ەمەس ەكى كاسىبي فۋتبوليست پەن ءبىر تانىمال سپورتشىنى (فۋتبوليست ەمەس) قاتىستىرا الادى.
وتاندىق ەستارادا جۇلدىزدارىنان قۇرالعان قازاقستان قۇراماسىنىڭ قۇرامى:
قاقپاشىلار: ابدۋلكارىم كارىموۆ (ءانشى) ، اقىلبەك دوسجانوۆ (پروديۋسەر) ؛
قورعاۋشىلار: ەرلان ءالىموۆ (ءانشى) ، مەلس ساعات ۇلى (ءانشى) ، اباي جانساربايەۆ (ءانشى) ، مەدەت كەجەكبايەۆ (ءانشى) ، جاناي عادىلبەك (ءانشى) ، قازىبەك قوجاحمەتوۆ (ءانشى) ، كەنجەبەك ءجانابىلوۆ (ءانشى) ، ارمان قوڭىربايەۆ (ءانشى) ، مارات ەسمۇراتوۆ (بۇرىنعى فۋتوليست) ؛
جارتىلاي قورعاۋشىلار: باتىر باينازاروۆ (ءانشى) ، سۇلتان كۇنتۋعان (ءانشى) ، عالىمجان ارىستانبەك ۇلى (پروديۋسەر) ، ايان بىربايەۆ (ءانشى) ، جۇبانىش جەكسەن ۇلى (ءانشى) ، ءادىلجان وماروۆ (ءانشى) ، سەيىتجان داۋرەن (ءانشى) ، ديلەن (ءانشى) ، ءىلياس حاروۆ (ءانشى) ؛
شابۋىلداۋشىلار: مۇقاسان شاحزادايەۆ (ءانشى) ، رىسبەك اتاشيەۆ (ءانشى) ، ساكەن مايعازيەۆ (ءانشى) ، مەيرامبەك بەسبايەۆ (ءانشى).
