ون ءبىر ايلىق بالانى اتا-اناسى پاراشيۋتپەن ۇشۋعا ماجبۇرلەگەن - كەسكىن

استانا. قازاقپارات - ءۇندىستاننىڭ كەرالا شتاتىندا بەلگىسىز جاس ەرلى-زايىپتى وزىندەرىنىڭ 11ايلىق قىزىن تروس ارقىلى قايىققا بەكىتىلگەن پاراشيۋتپەن ۇشۋعا ماجبۇرلەپ، وسى كورىنىس جازىلعان ۆيدەونى ينتەرنەتكە جۇكتەگەن، دەپ حابارلايدى Lenta.ru Mirror-عا سىلتەمە جاساپ.

روليك وعان كۋا بولعان ءبىرقاتار كورەرمەننىڭ نارازىلىعىن تۋدىردى، ال جەرگىلىكتى پوليتسيا بالاعا زورلىق كورسەتتى دەگەن ايىپپەن اتا-اناسىنا قاتىستى قىلمىستىق ءىس قوزعادى.

وسى كورىنىستى ءوز كوزدەرىمەن كورگەن كۋاگەرلەر پاراشيۋتتىڭ اسپالى ورىندىعىنا وتىرعىزاردا بالانىڭ قاتتى ايقالاپ جىلاپ، ۇشۋ بارىسىندا قورىققانىنان اياعى قالش- قالش ەتكەنىن راستاپ وتىر.

ينتەرنەتتە وسى ۆيدەو پايدا بولىسىمەن كەرالا شتاتىنداعى ادام قۇقىعىن قورعاۋ جونىندەگى كوميسسيا بالانىڭ اتا-اناسى مەن وسىنداي «كوڭىل كوتەرۋدى» ۇيىمداستىرعاندارعا قارسى قىلمىستىق ءىس قوزعاۋ تۋرالى پوليتسياعا شاعىم ءتۇسىرىپتى.

bnews.k