ۆەتنامدىقتار شياڭگاڭدا قىتايعا قارسى نارازىلىق شەرۋىن وتكىزدى
ولار قىتاي ۇكىمەتىنىڭ وڭتۇستىك قىتاي تەڭىزىنە قاتىستى تالاسۋىنا قارسىلىق ءبىلدىردى. ەرەۋىلشىلەر ۆەتنام تۋىن جەلبىرەتىپ، پاتريوتتىق اندەر مەن ۇراندار ايتتى.
نارازى توپتىڭ ارەكەتىن جەرگىلىكتى پوليتسيا قىزمەتكەرلەرى مۇقيات باقىلاپ تۇردى. ەستەرىڭىزگە سالا كەتەيىك، قىتاي مەن ۆەتنامنىڭ اراسى 2-مامىردا قىتايدىڭ اسكەري كەمەلەرى پاراسەل ارالدارىنىڭ سۋ اۋماعىنا مۇناي بۇرعىلاۋ تۇعىرىن اكەلگەننەن كەيىن ۋشىعىپ كەتتى.
قىتاي كەمەسى تۇعىردى ورناتۋعا كەدەرگى جاساماق بولعان 2 ۆەتنامدىق كەمەنى سوعىپ توقتاتتى.
وسى وقيعادان سوڭ حانويدا جۇزدەگەن ەرەۋىلشى تايۆان كورپوراتسياسىنا تيەسىلى بولات قۇيۋ زاۋىتىنا شابۋىل جاسادى. بارلىعى قاقتىعىس سالدارىنان 5 ۆەتنامدىق جانە 16 قىتاي ازاماتى قازا تاپتى. قىتاي دا، ۆەتنام دا پاراسەل ارالدارىنىڭ سۋ اۋماعىن ءوز جەرى دەپ سانايدى.
مو پاك فۋنگ، قالا تۇرعىنى:
- مەن ەلىمە قولداۋ كورسەتۋ ءۇشىن وسىندا كەلدىم. ءبىز قىتايعا قارسىمىز، سەبەبى ولار ءبىزدىڭ تەڭىزىمىز بەن جەرىمىزگە تالاسىپ وتىر. ءبىز ۆەتنامنىڭ سۋ اۋماعىن قورعاۋىمىز كەرەك.
24.kz
