ۋكراينادا پرەزيدەنتتىك سايلاۋ اياقتالدى
ۇلتتىق ەكزيت-پولدىڭ مالىمەتى بويىنشا، پەتر پوروشەنكو 55 پايىزعا جۋىق داۋىس جيناپ، ءبىرىنشى اينالىمدا-اق العا وزعان.
سايلاۋ قورىتىندىسىنان كەيىنگى بەرگەن العاشقى باسپا ءسوز ءماجىلىسىن پەتر پوروشەنكو شىعىستاعى سوعىستى، ونىڭ ىشىندە دونباستاعى ءدۇبىردى باسۋ قاجەتتىگىن اتاپ ءوتتى. حالىقتىڭ سايلاۋعا كەلۋى بەلسەندى جۇرگەنىمەن، 4 ميلليوننان استام حالقى بار دونەتسك پەن لۋگانسك ءوڭىرىنىڭ 30 پايىز ىنىڭ عانا داۋىس بەرۋگە مۇمكىندىگى بولدى.
پەتر پوروشەنكو، ۋكراينا پرەزيدەنتتىگىنە ۇمىتكەر:
- مەنىڭ العاشقى ساپارىم ءارى قولعا الاتىن جۇمىسىم - سوعىستى توقتاتۋ، ۋكراينانىڭ قالاسى مەن دالاسىنا بەيبىتشىلىك ورناتۋ. سوندىقتان العاشقى ساپارىم دونباسس وڭىرىنە جاسالادى. جەرگىلىكتى حالىقتىڭ قۇقىعىن قورعاۋ، ولارمەن قاجەتتى كەلىسسوز جۇرگىزۋ - ەڭ ۇلكەن مىندەتتەردىڭ ءبىرى.
باسپا ءسوز ءماجىلىسى كەزىندە پەتر پوروشەنكو جاقىن بولاشاقتا ۋكراينانىڭ الىپ كورشىسى رەسەيمەن بولاتىن اراقاتىناس تۋرالى ايتپاي كەتە المادى.
پەتر پوروشەنكو، ۋكراينا پرەزيدەنتتىگىنە ۇمىتكەر:
- رەسەي - ءبىزدىڭ ەڭ ۇلكەن كورشىمىز. ەكى ەلدىڭ قارىم-قاتىناسىن قالىپتى جولعا ءتۇسىرۋ - كەزەك كۇتتىرمەيتىن ماسەلە.
ۋكراينانىڭ جاڭا باسشىسى پوروشەنكو تاعى ءبىر ۇلكەن كورشىسى قازاقستان حالقى جانە ونىڭ باسشىسى نۇرسۇلتان نازاربايەۆقا دەگەن جىلى لەبىزىن دە جەتكىزىپ ۇلگەردى. ونىڭ ءبىزدىڭ ارناعا بەرگەن ەكسكليۋزيۆتى سۇحباتى كەزىندە «ۋكراينا مەن قازاقستان قارىم-قاتىناسىن قاي سالا بويىنشا قارقىندى جۇرگىزىلگەنى ءتيىمدى؟» دەگەن ساۋالىمىزعا جاۋاپ الدىق.
24.kz
