اۋعانستان پرەزيدەنتى وبامامەن كەزدەسۋدەن باس تارتتى
كەزدەسۋ باگرام اۋە بازاسىندا ءوتۋى ءتيىس ەدى، الايدا كارزاي وبامانىڭ شاقىرۋىن كەمسىتۋ رەتىندە قابىلداپ، «اۋعانستان ۇكىمەتى ا ق ش ليدەرىن كابۋلداعى پرەزيدەنت سارايىندا قارسى الۋعا دايىن» ەكەنىن، الايدا وبامامەن كەزدەسۋگە باگرامعا بارمايتىنىن مالىمدەدى. اگەنتتىك اتاپ وتكەندەي، بۇل وقيعا ەكى پرەزيدەنت اراسىنداعى قارىم-قاتىناستى شيەلەنىستىرە ءتۇستى.
قۇراما شتاتتار باسشىسى اۋعان جەرىنە جەدەل تۇردە كەلگەن بولاتىن. وباما كارزايمەن باگرام اۋە بازاسىندا كەزدەسۋدى جوسپارلاعان. ءبىراق، حاميد كارزاي باسقوسۋعا كەلۋدەن ءۇزىلدى- كەسىلدى باس تارتتى. اۋعان باسشىسى بۇعان دەيىن ەكى جاقتى قاۋىپسىزدىك تۋرالى كەلىسسوزگە قول قويۋعا كەلىسىم بەرمەگەن- دى. ەگەر تاراپتار كەلىسسوزگە كەلگەندە، ا ق ش ءوز اسكەرىن اۋعان جەرىندە قالدىراتىن ەدى.
وباما كارزايمەن تەلەفون ارقىلى بايلانىسىپ، ەكەۋى 15-20 مينۋت سويلەستى. ا ق ش پرەزيدەنتى ءوز ارىپتەسىنە جاقىن ارادا 2014- جىلدان كەيىن ەلدە قالاتىن اسكەريلەردىڭ ناقتى سانىن ايتاتىنىنا ءسوز بەردى. ءبىراق اسكەري وپەراتسيا اياقتالعان سوڭ امەريكالىق اسكەريلەردىڭ ستاتۋسىن انىقتايتىن قاۋىپسىزدىك تۋرالى كەلىسىمگە وباما جاڭا پرەزيدەنت سايلانعان سوڭ قول قويادى.
قازىر اۋعانىستاندا پرەزيدەنت سايلاۋى جالعاسۋدا. سايلاۋدىڭ العاشقى سىنىنان سۇرىنبەي وتكەن ەلدىڭ بۇرىنعى سىرتقى ىستەر ءمينيسترى ابدۋللا ابدۋللا مەن قارجى ءمينيسترى اشراف گاني احمادزاي 14- ماۋسىمدا ەكىنشى كەزەڭدە تاعى باق سىنايدى.
