ۆەتنام: قىتاي كەمەمىزدى سۋعا باتىردى

استانا. قازاقپارات - ۆەتنامنىڭ رەسمي اقپارات قۇرالدارى وڭتۇستىك قىتاي تەڭىزىندەگى قىتايمەن اراداعى داۋلى ايماقتا قىتايدىڭ بالىق اۋلاۋشى كەمەسى ۆەتنامنىڭ بالىق اۋلاۋشى كەمەسىن سوعىپ، سۋعا باتىرىپ جىبەرگەنى تۋرالى حابارلادى.

وقيعا قىتايدىڭ مۇناي پلاتفورمالارىن ورناتا باستاعان داۋلى تەڭىز اكۆاتورياسىنان 30 كيلومەتر قاشىقتىقتا بولعان. سۋعا باتقان كەمەدەن ۆەتنامنىڭ 10 تەڭىزشىسى قۇتقارىلعان.

قىتايدىڭ مۇناي پلاتفورمالارىن ورناتۋ ارەكەتى حانويدىڭ اشۋ-ىزاسىن كەلتىرىپ، ۆەتنامدا قىتايعا قارسى نارازىلىقتار تۋدىرعان. ۆەتنام وقيعا بولعان ايماققا قاراۋىل كەمەلەرىن جىبەرگەن.

تاياۋدا ۆەتنامنىڭ بىرنەشە ونەركاسىپتىك ايماعىندا قىتايلارعا قارسى شەرۋلەر بولعان ەدى. ۆەتنام مەن قىتاي جۇمىسشىلارى اراسىندا بولعان قاقتىعىستار سالدارىنان قىتايدىڭ ەكى ازاماتى قازا تاۋىپ، 140قا تارتا ادام جارالانعان.

ۆەتنام مەن قىتاي وڭتۇستىك قىتاي تەڭىزى اكۆاتورياسىنىڭ ءبىر بولىگىن بولىسە الماي كەلەدى.

مامىردىڭ 1-كۇنى پەكين داۋلى تەڭىز سۋلارىندا مۇناي پلاتفورمالارىن ورناتۋدى باستاعان سوڭ ەكى ەل قارىم-قاتىناسىن ناشارلاپ، مەملەكەتارالىق قاقتىعىس تۋىنداپ كەتۋ قاۋپىن تۋدىرعان.

ازاتتىق