انگليا اقشانى باسقا فورماعا كوشىرۋگە دايىندىق ۇستىندە
بۇل قارجىلىق مەكەمە شوتلاندتىق اقشا شىعارۋعا ليسەنزياسى ەميسسيوندىق بانك بولىپ تابىلادى. كەلەسى جىلى انگليادا پلاستيك اقشانىڭ اينالىمعا ەنگىزىلۋىنە سايكەس بۇل بانك پلاستيك بەستىكتىڭ شەكتەۋلى سەرياسىن شىعارۋدى جوسپارلاپ وتىر.
پوليمەر ماتەريالدان جاسالعان جاڭا بانكنوتتاردا شوتلاندياداعى فەرت شىعاناعى ارقىلى وتەتىن كوپىر بەينەلەنەدى. كەلەسى جىلى اتالعان نىساننىڭ سالىنعانىنا 125 - جىل تولماق.
الەمدە 20 دان استام ەلدە پلاستيك اقشا اينالىمعا ەنگىزىلگەن. مامانداردىڭ ايتۋىنشا، مۇنداي اقشانى قولدان جاساۋ وتە قيىن ءارى ولاردىڭ توزۋ ۋاقىتى دا ۇزاعىراق.
ۇلى بريتانيادا مۇنداي اقشا جاڭالىق ەمەس. 1999 - جىلى سولتۇستىك يرلانديادا نومينالى 5 فۋنت ستەرلينگ بولاتىن بانكنوت اينالىمعا ەنگىزىلگەن بولاتىن. ەڭ العاش پلاستيك اقشا 1983 - جىلى مەن ارالىندا پايدا بولعان ەدى. الايدا، بوياۋدىڭ دۇرىس جاعىلماۋىنا بايلانىستى 1988 - جىلى اتالعان بانكنوت اينالىمنان شىعارىلعان بولاتىن.
اۆتور: گۇلميرا عوسمانالي
