الماتىدا قازاقتىڭ تۇڭعىش قورعانىس مينيسترىنە ەسكەرتكىش ورناتىلادى
قالا باسشىسىنىڭ باسپا ءسوز قىزمەتى تاراتقان حابارلاماعا سايكەس، ا. ەسىموۆ بۇل تۋرالى وتكەن جۇما كۇنى س. نۇرماعامبەتوۆتىڭ 90 جىلدىعىنا ارنالعان عىلىمي-تاجىريبەلىك كونفەرەنسيادا مالىمدەدى. مۇنىمەن قوسا، اكىم 28 پانفيلوۆشىلار ساياباعىندا گەنەرالعا ەسكەرتكىش ورناتۋ تۋرالى ۇسىنىس جاسادى.
كونفەرەنتسيادا س. نۇرماعامبەتوۆتىڭ ءومىرى مەن اسكەري جەتىستىكتەرى تۋرالى كىتاپتىڭ تۋساۋى كەسىلدى.
2013 - جىلى 23 - قىركۇيەكتە 90 جاسقا قاراعان شاعىندا قايتىس بولدى.
س. نۇرماعامبەتوۆ 1924 - جىلى 25 - مامىردا تۋعان. 1942 - جىلى قىزىل ارميا قاتارىنا الىنىپ، تۇركىمەنستانعا كۋشكا قالاسىنداعى اسكەري ۋچيليشەگە جىبەرىلدى. وقۋدى اياقتاعاننان سوڭ 1943 - جىلعى ساۋىردەن باستاپ ۇلى وتان سوعىسى مايدانىندا بولدى. كراسنودار ولكەسى، ۋكراينا، مولداۆيا، باتىس بەلورۋسسيا، پولشانى ازات ەتۋگە قاتىستى. 1945 -جىلى 27 - اقپاندا اسكەري تاپسىرمالاردى ۇلگىلى ورىنداعانى ءۇشىن سوۆەت وداعىنىڭ باتىرى اتاعى بەرىلدى. سوعىستى بەرليندە اياقتادى. س. نۇرماعامبەتوۆتىڭ باتالونى گيتلەردىڭ رەيحسكەڭسەسىن باساپ الۋعا قاتىستى.
1989 - جىلى وكرۋگتى تاراتقاننان كەيىن قازاق رەسپۋبليكالىق سوعىس، ەڭبەك ارداگەرلەرى كەڭەسىنىڭ جانە قارۋلى كۇشتەردىڭ ءتوراعاسى بولدى جانە مۇنىمەن قاتار قازاق ك س ر و قارۋلى كۇشتەر ارداگەرلەرى مەن مۇگەدەكتەر ءىسى جونىندەگى جوعارعى كەڭەس كوميتەتىنىڭ ءتوراعاسى بولدى.
1991 - جىلى قازان ايىندا قازاقستان پرەزيدەنتىنىڭ جارلىعىمەن قورعانىس مەملەكەتتىك كوميتەتىنىڭ ءتوراعاسى، ال 1992 - جىلى مامىردا قورعانىس ءمينيسترى بولىپ تاعايىندالدى.
1994 - جىلى 23 - مامىردا قازاقستان رەسپۋبليكاسى پرەزيدەنتىنىڭ جارلىعىمەن وعان N1 «التىن جۇلدىز» تابىس ەتىلىپ، حالىق قاحارمانى اتاعى بەرىلدى.
1995 - جىلى قاراشادا ارميا گەنەرالى اتاعىمەن وتستاۆكاعا شىقتى.
ءومىرىنىڭ سوڭىنا دەيىن پرەزيدەنت كەڭەسشىسى بولدى.
1999 - جىلى استاناداعى مەملەكەتتىك جانە شەتەل تىلدەرىن، اسكەري پاندەردى تەرەڭدەتىپ وقىتۋعا ارنالعان «جاس ۇلان» رەسپۋبليكالىق مەكتەبىنە گەنەرال س. نۇرماعامبەتوۆتىڭ ەسىمى بەرىلدى.
س. نۇرماعامبەتوۆ تۇرعان ءۇيدىڭ قابىرعاسىنا بىلتىر ەسكەرتكىش تاقتا ورناتىلدى.
ktk
