ولجاس سۇلەيمەنوۆ «مامىر» دەگەن سوزگە قارسى

استانا. قازاقپارات - اقىن ولجاس سۇلەيمەنوۆ لينگۆيستەردى تۇركى جازبالارىنىڭ پايدا بولۋى شىعۋى مەن تاعدىرى تۋرالى پىكىرتالاسقا شاقىرادى.

«مەن تۇركى جازبالارىنىڭ ءتۇپ-توركىنى مەن تاعدىرى تۋرالى ايتىس-تارتىستىڭ شىن مانىندە قىزا تۇسكەنىن قالايمىن.

ول پىكىرتالاسقا تەك تۇركىتانۋشىلار عانا ەمەس، باسقا ەلدەردىڭ ءتىل ماماندارى دا تارتىلعانى دۇرىس بولار ەدى. اڭگىمە ەڭ كونە جازۋ جۇيەسى تۋرالى بولىپ وتىر.

بۇل ازيا حالىقتارى ءۇشىن ماڭىزدى. سەبەبى ءبىزدىڭ ەلدەرىمىزدىڭ بىرىگۋى مەن ينتەگراتسيالانۋى ءۇشىن بايلانىس پەن قارىم-قاتىناستىڭ ءمانى ەرەكشە.

ال بۇل بايلانىس ورتاق جازبانىڭ كومەگىمەن جۇزەگە اسپاق»، - دەدى ول ءوزىنىڭ «جازۋشى مەن كىتاپتىڭ قازىرگى الەمدەگى رولى» اتتى سارسەنبىدە وتكەن شىعارماشىلىق كەشىندە.

اقىن 18 - مامىرداعى تۋعان كۇنىنە وراي، استانادا وتكەن «تۇركى جازبالارىنىڭ كۇنى» حالىقارالىق فورۋمىنا قاتىستى.

«وسى تاقىرىپتى تالقىلاعان ورتاعا كوپتەن بەرى تاپ بولماعان ەدىم. بۇل مەنىڭ سوناۋ 60-جىلداردان بەرگى سۇيىكتى تاقىرىبىم عوي. سول كەزدە مەن رۋنالىق بەلگىلەرمەن العاش رەت تانىسىپ، وعان قاتتى قۇمارتقان ەدىم»، دەدى ولجاس سۇلەيمەنوۆ.

ول كەيبىر قازاق سوزدەرىنىڭ شىعۋ تەگى مەن ءوزىنىڭ وعان كوزقاراسى تۋراسىنداعى ويلارىمەن ءبولىستى. «مەن مايدا تۋعانمىن. مايدا! «مامىر» دەگەن سوزگە قارسىمىن. ونىڭ قاشان پايدا بولعانىن بىلمەيمىن. «ماي» پارسىشا «شاراپ»، قازاقشا «ماي» دەگەندى بىلدىرەدى. ۇتىمدى ءسوز. ايتپاقشى، دەكابر نەگە «جەلتوقسان» دەلىنەدى؟ بىرەۋگە بۇل ءسوز ۇناعان، بولدى. پسيەۆدوپوەزيا بولعان دا شىققان. دەكابر ءسوزىنىڭ ناقتى انىقتاماسى «سوعىم اي»، - دەدى ولجاس سۇلەيمەنوۆ.

ولجاس اقىن مامىردا «كوپتەگەن جاقسى ادامداردىڭ، ماسەلەن، قاسىم-جومارت توقايەۆتىڭ تۋعانىن» تىلگە تيەك ەتتى. «بىردە مەن وعان پاريجدەن قۇتتىقتاۋ حات جولداپ: «ءبىز ەكەۋمىز مامىردا ەمەس، مايدا تۋعاندارمىز» دەگەنىم بار. وعان مەنىڭ قالجىڭىم ۇنادى»، - دەيدى اقىن.