12:25, 25 - مامىر 2014 | GMT +5
يراندىق ميللياردەر ءولىم جازاسىنا كەسىلدى
استانا. قازاقپارات - يران بيلىگى بانكتەگى الاياقتىعى ءۇشىن جەرگىلىكتى ميللياردەردى ءولىم جازاسىنا كەستى.
بۇل تۋرالى ريا نوۆوستي يران مەملەكەتتىك تەلەارناسىنا سىلتەمە جاساپ حابارلايدى.
ميللياردەر ماحافاريد امير حوسراۆي بانكتە 2,6 ميلليارد دوللار قارجىعا قاتىستى الاياقتىق جاساعان دەپ ايىپتالدى.
كوپشىلىككە امير مانسۋر اريا ەسىمىمەن بەلگىلى بيزنەسمەنگە قاتىستى ۇكىم تەگەراننىڭ سولتۇستىگىندەگى ەفين اباقتىسىندا ورىندالعان. وسى ءىس بويىنشا تاعى ءۇش ادام ايىپتالۋدا. ولارعا دا ءولىم جازاسى تاعايىندالۋى مۇمكىن.
«قازاقستان»
