قازاقستاندىق كومپانيا العاش رەت شياڭگاڭ قور بيرجاسىنا شىعادى
بۇل تۋرالى قازاقپارات تىلشىسىنە بەيجىڭدەگى «KazNex Invest» باس وكىلى ساكەن مۇحامەديەۆ حابارلادى.
«قازىرگى ۋاقىتتا شياڭگاڭدىق «Oriental Patron» قارجى قۇرىلىمى ق ر اۋىل شارۋاشىلىعى سالاسىنداعى ءىرى كومپانيالاردىڭ ءبىرى «JSC Holding KazExportAstyk»-تى شياڭگاڭ قور بيرجاسىنا شىعارۋدىڭ دايىندىق جۇمىستارى جۇرگىزىلىپ جاتىر»، - دەپ ءمالىم ەتتى ول.
ونىڭ ايتۋىنشا، بۇل تەك اگروونەركاسىپ كەشەنى ءۇشىن عانا ەمەس، قازاقستان بيزنەسىندەگى تاريحي وقيعا بولعالى وتىر.
يندۋستريا جانە جاڭا تەحنولوگيا مينيسترلىگىنىڭ ەنشىلەس قۇرىلىمى بولىپ تابىلاتىن «KazNex Invest» ۇلتتىق دامۋ ينستيتۋتتارىنىڭ ءبىرى. ول ۇلتتىق ەكونوميكانى ديۆەرسيفيكاتسيالاۋدا قازاقستاندىق شيكىزاتتىق ەمەس ونىمدەردى ەكسپورتقا شىعارۋ جانە ەكونوميكانىڭ باسىمدىقتى سەكتورىنا تىكەلەي ينۆەستيتسيا تارتۋعا ىقپال ەتۋ ماسەلەلەرىمەن شۇعىلدانادى.
