يراندا اجىراسۋ تويى سانگە اينالدى

استانا. قازاقپارات - يراندىق قالالاردا اجىراسۋعا بايلانىستى ساۋىق كەشتەرىن ۇيىمداستىرۋ كەڭىنەن قانات جايىپ بارادى.

وسىنداي جيىنداردا قارا راۋشان گۇلدەرى مەن تورتتار ساتىپ الىنىپ، ارنايى شاقىرۋ حاتتارى تاراتىلادى ەكەن.

«ەڭ الدىمەن قارا راۋشان گۇلىنە تاپسىرىس بەرۋ ءۇشىن فلوريستكە بارادى. بۇدان كەيىن شاقىرۋ حاتتارىن الۋ ءۇشىن بىزگە كەلەدى»، - دەيدى دۇكەندەردەگى ساتۋشىلاردىڭ ءبىرى شەتەلدىك باسىلىمعا بەرگەن سۇحباتىندا. بەلگىلى بولعانداي، وسىنداي شاقىرتۋ حاتتارىنا سوڭعى ەكى جىلدا سۇرانىس ەداۋىر ارتقان كورىنەدى.

ەلدىڭ بيلىگى مەن ءدىن باسىلارى اجىراسۋ وقيعالارىنا بايلانىستى ساۋىق كەشتەرىن وتكىزۋ سانگە اينالىپ بارا جاتقانىنا الاڭداۋشىلىق بىلدىرۋدە. وتكەن جىلى يرانداعى اجىراسۋلار 4,6 پايىزعا ارتىپ، وسى كەزەڭدە تىركەلگەن نەكەلەر 4,4 پايىزعا كەم بولعان. يرانداعى نەكەلەردىڭ 20 پايىزعا جۋىعى اجىراسۋمەن اياقتالادى، دەپ جازادى شەتەلدىك ب ا ق.

 

اۆتور: رۋسلان عابباسوۆ