نەشە ءتۇرلى قىزىق بار
انام ماعان وزگەنىڭ ەڭبەگىن سىيلاۋدى ۇيرەتتى: «ءبىر-ءبىرىڭدى ولتىرگىڭ كەلسە، دالاعا شىق، قازىر عانا ەدەندى جۋىپ بولدىم».
انام ماعان اللاعا سەنۋدى ۇيرەتتى: «مىنا بالە جۋعاندا كەتسىن دەپ تىلە».
انام ماعان لوگيكالىق ويلاۋدى ۇيرەتتى: «ويتكەنى، مەن سولاي دەدىم».
انام ماعان نە نارسەنىڭ دە ناتيجەسىن ويلاۋدى ۇيرەتتى: «قازىر تەرەزەدەن قۇلاپ تۇسسەڭ، سەنى دۇكەنگە ەرتىپ بارمايمىن».
انام ماعان قايراتتى بولۋدى ۇيرەتتى: «ءىشىپ بولمايىنشا، داستارحاننان تۇرمايسىڭ».
انام ماعان سەبەپ-سالدار بايلانىسىن ءتۇسىندىردى: «قازىر جىلاعانىڭدى قويماساڭ، تاياق جەيسىڭ».
انام ماعان ەشكىمگە كورەالماۋشىلىق جاساماۋدى ۇيرەتتى: «جەر بەتىندە ميلليون بالانىڭ اكە-شەشەدەن جولى بولماعان، سەن باقىتتىسىڭ قايتا».
انام ماعان قالاي ەرەسەك بولۋ كەرەكتىگىن ۇيرەتتى: «ەگەر كوكونىس جەمەسەڭ، وسپەي قالاسىڭ».
انام ماعان كەلەشەككە باتىل قادام جاساۋدى ۇيرەتتى: «ۇيگە بارايىق، كورەسىڭدى كورەسىڭ».
انام ماعان ءوز بەتىنشە ەمدەلۋدىڭ نەگىزدەرىن ۇيرەتكەن: «كوزىڭدى اقيلاندىرعاندى قويماساڭ، ءومىر باقي قىلي بولىپ قالاسىڭ».
انام ماعان ەكستروسەنسوريكانىڭ نە ەكەنىن ۇيرەتتى: «جەمپىرىڭدى كي، كورىپ تۇرمىن عوي جاۋراپ تۇرعانىڭدى!»
انام ماعان گەنەتيكانىڭ نەگىزىن ۇيرەتتى: «ۇقساماساڭ تۋماعىر، تۋرا وسى جەرىڭ اكەڭە تارتىپ كەتكەن».
اۋدارعان شىنار ءابىلدا
