شىڭجاڭدا لاڭكەستىككە قارسى اۋقىمدى شارالار باستالدى - فوتو

شيان- ءۇرىمجى. قازاقپارات - جۇما كۇنى قىتايدىڭ سولتۇستىك باتىسىنداعى شىڭجاڭ-ۇيعىر اۆتونومدىق ولكەسىنىڭ بارلىق اۋماعىندا لاڭكەستىككە قارسى اۋقىمدى شارالار باستالدى.

ناۋقان ءبىر جىلعا سوزىلىپ، 2015-جىلعى ماۋسىمدا اياقتالادى.

بۇل شەشىمدى ق ح ر ورتالىق ۇكىمەتى جۇما كۇنى، 23-ماۋسىمدا، ۇرىمجىدە ورىن العان، سالدارىنان 39 ادام قازا تاۋىپ، 94 ادام جارالانعان جارىلىستار سەرياسىنا بايلانىستى قابىلدادى.

جەرگىلىكتى ب ا ق حابارلاعانداي، كامپانيا تەرورلىق جانە ءدىني ەكسترەميستەرمەن كۇرەسكە باعىتتالدى، ولار قارۋلار، ءدىني ادەبيەتتەردى ىزدەۋمەن، تاركىلەۋمەن اينالىسادى. بۇلىكشىلەر لاگەرلەرىن جويادى. بيلىكتىڭ مالىمدەمەسى بويىنشا، بەيجىڭ لاڭكەستىك پەن ەكسترەميزمنىڭ قىتايدىڭ ىشكى اۋداندارىندا تارالۋىنا جول بەرمەيدى.

ق ح ر قوعامدىق قاۋىپسىزدىك ءمينيسترى گو شەنكۋن جەرگىلىكتى قۇقىق قورعاۋ ورگاندارىنىڭ جانە ت و جاعدايىندا قاۋىپسىزدىك شارالارى جۇيەسىنىڭ ازىرلىگىن تەكسەرۋ ءۇشىن شىڭجاڭعا ينسپەكتسيالىق ساپارعا بارىپ قايتتى.