الماتى وبلىسىندا اققۋدى اتقان قاسكويگە قاتىستى قىلمىستىق ءىس قوزعالدى

تالدىقورعان. قازاقپارات - الماتى وبلىسىندا تابيعاتتى قورعاۋ پوليتسياسىنىڭ قىزمەتكەرلەرى «ۋىلدىرىق» جەدەل-الدىن الۋ شاراسىن وتكىزۋدە، دەپ حابارلادى ءىء ى د باسپاءسوز قىزمەتىنەن.

شارا بارىسىندا سوڭعى ءۇش تاۋلىكتە ءى ءى د تابيعاتتى قورعاۋ پوليتسياسى بالقاش اۋدانىندا ەكى جەرگىلىكتى تۇرعىندى قۇرىقتادى، ولاردىڭ ءبىرى احمەتسۋات شىعاناعىندا، ەكىنشىسى ىلە وزەنىندە بالىقتى ەلەكتر توعىنىڭ كومەگىمەن اۋلاعان. ەكى ۇستالعان ازامات تا جاۋاپكەرشىلىككە تارتىلۋدا» ،- دەپ حابارلادى ءى ءى د باسپاءسوز قىزمەتىنەن.

سونداي-اق رەيدتىك ءىس-شارا بارىسىندا بالقاش اۋدانىنىڭ قوسكۇمبەز اۋىلىنا جاقىن جەردە اققۋعا وق اتقان براكونەر قولعا ءتۇستى. ەر ادامنان تىركەلمەگەن ەكى وقپاندى، 12 كاليبرلى قارۋ، 6 پاترون جانە قىزىل كىتاپقا ەنگىزىلگەن قۇستىڭ ەتى تاركىلەندى.

كۇدىكتى اققۋدى ايناكول كولىندە اڭشىلىقتا جۇرگەن ۋاقىتتا اتقان. قازىرگى ۋاقىتتا 36 جاستاعى ەر ادامعا قاتىستى ق ر قىلمىستىق كودەكسىنىڭ 288-بابى بويىنشا قىلمىستىق ءىس قوزعالدى.

«بۇدان باسقا، پوليتسەيلەر بالقاش اۋدانىنداعى ير وزەنىنەن بەكىرەنى زاڭسىز اۋلاعانى ءۇشىن ۇستالعان براكونەردى ق ر ق ك 290-بابى بويىنشا قىلمىستىق جاۋاپكەرشىلىككە تارتۋدا»، - دەدى ءى ءى د قىزمەتكەرلەرى.