09:35, 24 - مامىر 2014 | GMT +5
برازيلياداعى ەرەۋىلدەر باسىلار ەمەس - كەسكىن
استانا. قازاقپارات - برازيليادا فۋتبولدان الەم چەمپيوناتىنىڭ اشىلۋىنا 3 اپتا قالسا دا، ەرەۋىلدەردىڭ ەش باسىلاتىن ءتۇرى جوق، دەپ جازادى 24.kz.
بۇل جولى اتاقتى «ارەنا كورينتيانس» ستاديونى ماڭىندا باسپاناسىزدار لاگەرىن قۇرعان مىڭداعان ادام سان-پاۋلۋ كوشەلەرىمەن شەرۋ تارتىپ، ءجۇرىپ ءوتتى.
ولار الەمدىك اياقدوپ دوداسىنىڭ وتكىزىلۋىنە بايلانىستى شاھاردا جىلجىمايتىن مۇلىك باعاسىنىڭ شارىقتاپ كەتكەنىن جانە كوپشىلىكتىڭ ءۇيسىز قالعانىن اشىنا ايتىپ وتىر.
«ارەنا كورينتيانس» ستاديونى ماڭىنداعى لاگەر وسى ايدا تۇرعىزىلعان بولاتىن. قۇرىلىسى 450 ميلليون ا ق ش دوللارىنا جەتكەن ستاديون ماڭىن ۇيلەرى جوق 4 مىڭعا جۋىق ادام پانالاۋدا. ال ەل پرەزيدەنتى ديلما رۋسسەف لاگەردى پانالاۋشىلارعا مەملەكەتتەن باسپانا بەرۋگە ۋادە ەتكەن بولاتىن.
