ساقشىلار ۇرىمجىدە لاڭكەستىك جاساعان تەروريستىڭ ءبىرىن تۇتقىندادى
ولاردىڭ 4 ەۋى وقيعا ورنىندا قازا تاپسا، بىرەۋى تۇتقىنعا ءتۇستى، دەپ جازادى يتار-تاس شينحۋا اگەنتتىگىنە سىلتەمە جاساپ.
تەراكت ورنىندا قازا تاپقان 4 قىلمىسكەر د ن ق ارقىلى انىقتالعان. بەسىنشىسىن وتكەن ءتۇنى بايثعوليئن-موڭعول اۆتونوميالىق وكرۋگىندە قولعا تۇسىرگەن. بۇعان دەيىن لاڭكەسشىلەردىڭ ءبارى قازا بولدى دەپ جاريالانعان بولاتىن.
پوليتسيا دەرەكتەرى بويىنشا، 2013-جىلدىڭ اياعىندا ولار قىلمىستىق توپ قۇرىپ، جارىلعىش زاتتارمەن قارۋلانعان جانە اۆتوموبيلدى يەلەنگەن.
ۇرىمجىدەگى جارىلىس 22-مامىر كۇنى جەرگىلىكتى ۋاقىت بويىنشا 07:50-دە «حالىق» ساياباعىنا تاياۋ جەردەگى بازاردا بولعان. كۋاگەرلەردىڭ ايتۋىنشا، ەكى اۆتوكولىك توپ ادامعا كەلىپ سوعىلعان. سول ساتتە ءبىرى جارىلعان، ال ەكىنشسىنەن جارىلعىش زاتتى سىرتقا لاقتىرعان. سوڭعى دەرەكتەر بويىنشا 39 ادام وقيعا ورنىندا كوز جۇمىپ، 94 ءى جارالانعان.
ايتا كەتەيىك، بۇل قىتايدا سوڭعى ۋاقىتتا ورىن العان لاڭكەستىك وقيعالاردىڭ ىشىندەگى ەڭ كولەمدىسى بولىپ وتىر.
