09:56, 24 - مامىر 2014 | GMT +5
كان كينوفەستيۆالىندە «قىسقى ۇزاق ۇيقى» فيلمى حالىقارالىق كينوسىنشىلار جۇلدەسىن جەڭىپ الدى
استانا. قازاقپارات - كانن كينوفەستيۆالىندە تۇرىك رەجيسسەرى نۋري بيلگە دجەيلاننىڭ «قىسقى ۇزاق ۇيقى» كينوكارتيناسى حالىقارالىق كينوسىنشىلار قاۋىمداستىعى سىيلىعىنىڭ لاۋرەاتى اتاندى، دەپ جازادى شەتەلدىك ب ا ق.
فيلمدە ءوزىنىڭ جايدارى مىنەزدى جۇبايى مەن جۇمىسسىز قارىنداسىمەن بىرگە تۇراتىن، بۇرىن ءارتىس بولعان اۋىلدى جەردەگى قوناقۇي قوجايىنىنىڭ ءومىرى جايلى باياندالادى.
دجەيلان بۇعان دەيىن 2 رەت كان فەستيۆالىنىڭ گران-پريىن جەڭىپ العان.
«قىسقى ۇزاق ۇيقى» فەستيۆالدىڭ نەگىزگى كونكۋرسىندا كورسەتىلدى. ەندى ول وسى دودانىڭ «التىن پالما بۇتاعى» جۇلدەسىنە ۇمىتكەر.
