نۇرسۇلتان نازاربايەۆ: ەۋروپا ازيانىڭ رەسۋرستارىنسىز دامي المايدى
بۇل پىكىرىن ول بۇگىن VII استانا ەكونوميكالىق فورۋمىنىڭ جانە II دۇنيەجۇزىلىك داعدارىسقا قارسى كونفەرەنتسيانىڭ پلەنارلىق وتىرىسىندا ءبىلدىردى.
«ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ ۇسىنىسىنا كەلەتىن بولساق، مەن بۇل شەشىمگە ءدال وسىنداي ۇيىم باتىستا ەۋروپاداعى ءوزارا ىقپالداستىق جانە سەنىم شارالارى جونىندەگى كەڭەس بار بولعاندىقتان كەلدىم. نەگە ازيا وسى ىستەن تىسقارى قالۋى ءتيىس؟ ! ەگەر ازياداعى ءوزارا ىقپالداستىق جانە سەنىم شارالارى جونىندەگى كەڭەس پەن ەۋروپاداعى ءوزارا ىقپالداستىق جانە سەنىم شارالارى جونىندەگى كەڭەس ءوزارا تىعىز ىقپالداساتىن بولسا، ەۋرازيالىق سۋب بۇل قۇرلىققا جاقسىلىق اكەلەر ەدى. سەبەبى ەۋروپا ازيانىڭ رەسۋرستارىنسىز ۇزاققا دامي المايدى» ، - دەدى ق ر پرەزيدەنتى.
ونىڭ ايتۋىنشا، ازيادا باي تابيعي جانە ادامي رەسۋرستار شوعىرلانعان.
«ەۋروپا ازيانىڭ ىسكە تارتىلۋىنسىز، ازيا ەۋروپانىڭ تەحنولوگيالارى مەن يننوۆاتسيالارىنسىز دامي المايدى. ءبىز بىرگە جۇمىس جاساۋعا ءتيىسپىز. قازىر كەرىسىنشە بىزدەردى الشاقتاتۋدا، قاقتىعىستار تۇتانىپ كەلەدى. نەگە؟ ! سەبەبى قىرعي- قاباق سوعىستىڭ كولەڭكەسى اينالشىقتاپ ءجۇر. مەملەكەتتەر اراسىندا، ادامدار اراسىندا سەنىم جوق. ەكونوميكاعا تۇساۋ سالاتىن سانكتسيالار دەگەندى قالاي تۇسىنەمىز؟ ! بۇل ەكونوميكا ءۇشىن قولبايلاۋ. ءبىر- بىرىڭە سۋىپ، تاراپتار اراسىندا الاۋىزدىق ورناۋى مۇمكىن، ءبىراق ەكونوميكانىڭ قاتىسى قانشا. سوندىقتان ماسەلە كوپ جانە ونى ب ۇ ۇ اياسىندا بارلىعىمىز باس قوسا وتىرىپ شەشۋىمىز كەرەك» ، - دەدى ن. نازاربايەۆ.
اۆتور: جاسۇلان جولدىبايەۆ
