جاھاندىق رەفورمالار جاسايتىن ۋاقىت كەلدى
«ءبىز جولايرىقتا تۇرمىز، وعان اعىمداعى ماكروەكونوميكالىق پروتسەستەر دالەل، ءبىر نارسە انىق-جاڭا پاراديگما عاسىرى، فورماتسيالار مەن ەكونوميكالىق ءوسىم پوليۋستەرىنىڭ اۋىسۋى ورىن الۋدا. الەمدىك ساراپشىلار قاۋىمداستىقتارى جاھاندىق كەزدەسۋلەر وتكىزىپ، الەمدىك ۆاليۋتا جۇيەسىن تالقىلاپ، قارجى ەكونوميكالىق داعدارىستىڭ الدىن الۋ شارالارىن قاراستىرىپ، جاھاندىق رەفورما جاسايتىن ۋاقىتتىڭ جەتكەنىن ايتىپ دابىل قاعۋدا. جاھاندىق رەفورمالار جاسايتىن ۋاقىت كەلدى»، - دەدى ب. سۇلتانوۆ.
ونىڭ ايتۋىنشا، 2007-جىلدان باستاپ الەمدىك ەكونوميكا جاھاندىق قۇلدىراۋمەن كۇرەسىپ، داعدارىسقا دەيىنگى ءوسىمدى قالپىنا كەلتىرە الماي كەلەدى. بۇدان وزگە، ول باسىم جۇمىسسىزدىق ەكونوميكالىق ءوسىمدى تەجەپ وتىرعان نەگىزگى فاكتورلاردىڭ ءبىرى بولىپ تابىلاتىنىن اتاپ ءوتتى.
«الەم ەكپىندەپ دامىپ كەلەدى، جاھاندىق قۇلدىراۋدىڭ جالعاسۋ قاۋپى جوعارى دەڭگەيدە قالدى. بۇل داعدارىستىڭ جاڭا تولقىنى ەمەس، 2007-2009-جىلدارداعى داعدارىستىڭ جالعاسى»، - دەپ باسىپ ايتتى ب. سۇلتانوۆ.
«سوڭعى جىلدارى تۇسىنىكتى بولعانداي، زاماناۋي قارجى-ەكونوميكالىق، الەۋمەتتىك، ساياسي داعدارىستاردى حالىقارالىق ىنتىماقتاستىقتىڭ جاڭا ساۋلەتىن قالىپتاستىرعان جاعدايدا عانا جەڭۋگە بولادى»، - دەپ تۇيىندەدى قازاقستاننىڭ قارجى ءمينيسترى.
businessnews.kz
