وقۋشىنىڭ وقۋعا دەگەن قىزىعۋشىلىعىن قالاي وياتۋعا بولادى

استانا. قازاقپارات - قازىرگى ينەتەرنەت، الەۋمەتتىك جەلىلەر، كومپيۋتەرلىك ويىندار تاعى باسقادا جاعدايلار وقۋشىنىڭ ساباققا دەگەن ىنتاسىن وزدەرىنە اۋدارىپ جاتقانى بەلگىلى.

وسىنداي كەزدە وقۋشىعا ءبىلىمنىڭ كەرەك ەكەنىن جانە ماڭىزى زور ەكەنىن جەتكىزۋ وتە قيىن. اتا-انالار بالالارىنىڭ وقۋعا دەگەن ىنتاسىنىڭ جوقتىعىنا قينالۋ ۇستىندە.

ءبىراق قازىر مۇمكىن ەمەس دۇنيە جوق، ءار پروبلەمانى شەشۋدىڭ دۇرىس جولىن تاڭداۋ كەرەك. تومەندە بالانىڭ وقۋعا دەگەن ىنتاسىن ارتتىرۋدىڭ جولدارىنان ءبىراز مىسال كەلتىردىك مۇمكىن سىزگە، اتا- اناعا كومەك بولار.

1. جاستايىنان باستاپ، لوگيكالىق دامۋىنا ىقپال ەتەتىن تاپسىرمالاردى ورىنداۋعا، سول سەكىلدى ويىندار ويناتۋعا تىرىسىڭىز. مىسالى اقىل ويدى دامىتاتىن تانگرام ويىنىن ويناتىڭىز، ونى ۇيدە عانا ەمەس، جولدا دا ويناتا بەرۋگە بولادى. بالاڭىزعا وقۋ پروتسەسىنىڭ قىزىقتى، كوڭىلدى، تارتىمدى ەكەنىن، ول ارقىلى كوپ قىزىقتى مالىمەت بىلەتىنىن ايتىڭىز.

2. ەشقاشان بالاڭىزعا ساباقتى وقىتۋدا بۇيرىق بەرۋ ارقىلى وقىتپاڭىز. بۇل ەش ناتيجە بەرە المايدى. سولاي جاساساڭىز ءسىز بالاڭىزدىڭ جۇرەگىنە وقۋعا دەگەن قۇشتارلىقتى جويىپ الاسىز. ودان دا بالاڭىزبەن دوس رەتىندە قاتىناسىپ، مۇمكىن سىزدەن وعان كومەك كەرەك شىعار. كەيبىر پاندەردى مەڭگەرۋدە قيىندىق تۋىپ جۇرسە كومەكتەسىڭىز. ول سىزگە سەنەتىندەي بولسىن.

3. بالانى ساباقتان كەيىنگى ۋاقىتىتن ءتيىمدى پايدالانۋعا جوسپارلاۋدى ۇيرەتىڭىز. ءۇي تاپسىرماسىن ورىنداۋعا، دەمالۋعا، كومپيۋتەرگە وتىرۋعا ۋاقىتتاردى بولىڭىزدەر. بالا كەزىنەن ۋاقىتتى ۇنەمدى پايدالانۋعا ۇيرەتىڭىز.

4. مەكتەپتە تومەن باعا العان جاعدايدا ۇرىسىپ، ءتىل تيگىزبەڭىز. كەرىسىنشە ونى قولداپ، تومەن باعا ۋاقىتشا ەكەنىن، الىدە بولسا كەلەسى ساباقتاردان جاقسى باعا الىپ، مۇعالىمدەردى تاڭ قالدىراسىڭ دەپ قولداپ، قولپاشتاۋ كەرەك.

5. بالاڭىزدى ءجيى ماقتاڭىز، ازعانتاي عانا ساتسىزدىكتەر ۇشىندە. وعان، ءسىز ونىمەن قالاي ماقتاناتىنىڭىزدى، ول سىزدە ەڭبەكقور، اقىلدى دەگەن جىلى سوزدەرمەن. بالالاردى ماقتاپ قولپاشتاۋ وتە ماڭىزدى. بالا بەكەر ەڭبەكتەنىپ جاتپاعانىن ءتۇسىنۋ كەرەك. ونىڭ ەڭبەگىن اتا- اناسى بىلەدى جانە ونى ماقتان ەتەدى دەگەن سەنىم بولۋ كەرەك.

6. بالانىڭ ىستەگەن ءىسى ءۇشىن ماراپاتتاي ءبىلىڭىز. ىستەگەن ءىسى، وقۋداعى جەتىستىگى ءۇشىن ءار قاشان ماراپاتتاۋ كەرەك. بالاڭىزدىڭ نەنى قىزىقتايتىنىن، ونىڭ ارمانىن، ءبىلىڭىز. سوسىن كەلىسىمگە كەلىڭىز، وقۋدا بەلگىلى جەتىستىككە جەتكەن جاعدايدا وعان ءوزىنىڭ قالاپ جۇرگەن دۇنيەسىن سىيلىققا الىپ بەرەتىنىن ەسكەرتىڭىز. باستىسى وقۋعا دەگەن ىنتاسىن ارتتىرۋ.

7. وزىڭىز بالاعا ۇلگى بولۋعا لايىقتى بولىڭىز. ەگەر بالا ءوزىنىڭ اتا-انالارىنىڭ ءبىلىمدى، اقىلدى ەكەنىن كورگەندە مەن نەگە اكە-شەشەمە ۇقسامايمىن دەپ موتيۆاتسياسى تۋادى.

P. S. ءبىراقتا بۇل وقۋشىنىڭ وقۋعا دەگەن موتيۆاتسياسىن تۋدىراتىن كەڭەستەردىڭ بارلىعى ەمەس. ءبىراق وسى كەڭەستەردىڭ ۇستاناتىن بولساڭىز بالاڭىزدىڭ ازداعان ۋاقىت ىشىندە ناتيجە بەرتىنى ءسوزسىز.
blogtime.kz