ەلباسى ا ق ش-قا الەمنىڭ جاڭا قارجى جۇيەسىن ۇسىنۋعا كەڭەس بەردى
«2007-2009 - جىلدارى ورىن العان ەڭ قۋاتتى قارجى جانە ەكونوميكالىق داعدارىستان كەيىن، الەمدە بارلىعى ونى شەشۋ ماسەلەسىمەن اينالىسا باستادى. G7 ۇلعايا كەلە G8 كەيىن G20 بولدى. وسى جيىرما ەل داعدارىس پروبلەماسىن قاراستىرۋدى ءوز قولدارىنا الىپ، شەشۋ جولدارىن جاساي باستادى. ءبىراق بىرنەشە ۋاقىت وتكەننەن كەيىن تۇشىمدى شەشىمدەردىڭ ۇسىنىلعانىن كورىپ وتىرعانىمىز جوق. مەنىڭشە، سوعىستان كەيىنگى كەزەڭنەن بەرى كەلە جاتقان برەتتون ۆۋدس كەلىسىمى تۇسىندا قۇرىلعان قارجىلىق ساۋلەت قۇرىلىمى ەسكىردى دەپ سانايمىن.
70 جىل ىشىندە الەم الىسقا قادام باستى. مۇندا جاڭا تەحنولوگيالار، مۇلدەم باسقا زامان تۋدى. ال قارجىلىق قۇرىلىم سول باياعىشا وزگەرىسسىز قالدى. ءبىز الەمدە بارلىعىمىز ءبىر عانا ۆاليۋتاعا تاۋەلدىمىز - ول دوللار. دوللار بولسا، جۇمىس ىستەيمىز، دوللار بارلىق جەردى دەندەپ الدى. جانە سول قاعاز دوللار ا ق ش ەكونوميكاسىن قورەكتەندىرۋدە. بارلىق ترانزاكتسيالار الەمدە دوللار ارقىلى جۇرەدى. الەمگە مۇلدەم جاڭا قۇرىلىم بەرۋ ءۇشىن وسى ماسەلە بويىنشا ا ق ش- تىڭ ءوزى دە ويلانىپ، الەمدى وسى پروبلەمادان ارىلتۋدىڭ جولىن قاراستىرسا. بۇل سونشالىقتى وڭاي ەمەس، مەن تۇسىنەمىن]، - دەدى پرەزيدەنت وزىنە قويىلعان سۇراققا قاتىستى پىكىرىندە.
ەلباسىنىڭ پايىمداۋىنشا، الەمدىك ماسەلەمەن جاھانداعى بارشا مەملەكەتتەر اينالىسقاندا عانا ناتيجە بولادى.
«ءبىز جاھاندىق داعدارىس ماسەلەسىنىڭ ءتۇپ- تامىرىنا قاراۋ ءۇشىن تۇراقتى تۇردە وسى باعىتتا جىلجىپ كەلەمىز. ءبىز تۇيتكىلدى شەشۋ ءۇشىن تالقىلاۋلار جۇرگىزىپ، ونىڭ شەشىمىنە الىپ كەلەتىن ۇسىنىستاردى العا تارتامىز. ءبىراق ونىڭ ءتۇپ- تامىرى ءالى شەشىمىن تاپپاي كەلەدى. ول تامىر - زاقىمدانعان دۇنيەجۇزىلىك قارجىلىق جۇيەسى. سوندىقتان 8 مەملەكەت ەمەس، الەم ەلدەرى وسىعان تارتىلۋى ءتيىس جانە ءبىز شاقىرتقان جاھاندىق جيىن وسى ماسەلەگە قاتىستى ناقتى شەشىمدەردى تابۋعا سەپتىگىن تيگىزەدى. مەن بۇل پروبلەمانى ب ۇ ۇ اياسىندا شەشۋ قاجەتتىگىنە سەنىمدىمىن. الەمنىڭ ارى قارايعى دامۋ جوسپارىن قۇرۋ، زەرتتەۋ جانە تالقىلاۋ جۇمىستارىن جۇرگىزەتىن ارنايى كوميتەت جۇمىس جاساۋى ءتيىس»، - دەپ اتاپ ءوتتى ن. نازاربايەۆ.
"بۇل مەملەكەتتەر اراسىنداعى قاقتىعىستارعا دا قاتىستى ماسەلە. بىر قاراعاندا، قىرعي- قاباق سوعىسى باياعىدا جويىلعان سياقتى، ادامزات ءوزارا ارىپتەستىك جاعدايىندا ءومىر ءسۇرىپ جاتقان ءتارىزدى, جاھاندانۋ ۇدەرىسى جۇرۋدە، الايدا تۇيتكىلدەر سول قالپىندا قالىپ قويىپ جاتىر"، - دەدى ەلباسى.
اۆتور: جاسۇلان جولدىبايەۆ
