ۇيگە ەسىرتكى الىپ كەلگەن مىسىقتى يەسى ساقشىعا تاپسىردى

استانا. قازاقپارات - جاڭا زەلانديا تۇرعىنىنىڭ مىسىعى ۇيگە ەسىرتكى الىپ كەلگەننەن كەيىن، ازاماتشا جانۋاردى وسى ارەكەتى ءۇشىن پوليتسياعا الىپ بارۋعا ءماجبۇر بولعان، دەپ جازادى شەتەلدىك ب ا ق.

جەرگىلىكتى پوليتسيا سەرجانتى ريسا مۋنرونىڭ سوزىنە قاراعاندا، ولارعا كەشكى ساعات 18:00 كەزىندە اتالمىش ايەل تەلەفون شالىپ، مىسىعى ۇيىنە شاعىن قاپتاماداعى ەسىرتكىنى الىپ كەلگەنىنە الاڭداۋلى ەكەنىن ايتىپ بەرگەن.

اتالعان قاپتاماداعى ماريحۋاننا ەسىرتكىسى شامامەن 100-150 دوللارعا باعالانىپ وتىر.

«مىسىقتار ۇيگە كوبىنەسە قۇستاردىڭ، تىشقانداردىڭ ولىگىن الىپ كەلەدى، ال مۇنداي وقيعاعا العاش تاپ بولىپ وتىرمىز»، - دەيدى سەرجانت.

قازىرگى كەزدە ەسىرتكى سالىنعان قاپتاما زەرتحاناعا تاپسىرىلىپ، ونىڭ ناقتى يەسىنىڭ ساۋساق ىزدەرى تەكسەرىلۋدە.

اۆتور: رۋسلان عابباسوۆ