ەلباسى كەدەيلىكتى جويۋعا نەگىزدەلگەن جول كارتاسىن ازىرلەۋدى ۇسىندى
«ءبىز بارشامىز تەڭسىزدىكتى قىسقارتۋ مەن كەدەيشىلىكتى جويۋ ماسەلەسى سەكىلدى باستى ماقساتتا جۇمىلا جۇمىس ىستەۋىمىز كەرەك. وسىنداي كۇردەلى پروبلەمالار بولا تۇرا، اتاپ ايتقاندا كورشىلەس ەلدەردەگى بۇنداي احۋالدى ەسكەرە وتىرىپ، جاھاندىق الەمدە ۇيلەسىمدىلىك پەن جەتىستىكتە ءومىر ءسۇرۋ مۇمكىن ەمەس. ولارداعى قاقتىعىس ءورتى كەز كەلگەن ەلگە اۋىسۋى مۇمكىن» ، - دەپ توقتالدى پرەزيدەنت.
«مەنىڭ كوزقاراسىم بويىنشا، اتالعان ماقساتتاردى شەشۋ ءۇشىن ەكى باعىتتا جىلجۋ كەرەك. بىرىنشىدەن، ەكونوميكالىق دامۋدىڭ الەۋەتىن بارىنشا پايدالانۋ، جاڭا ەكونوميكالىق شايقالۋعا جول بەرمەۋ كەرەك. ەكىنشىدەن، كەدەيلىكتى جويۋعا نەگىزدەلگەن جول كارتاسىن ازىرلەۋ قاجەت. وندا ازيا مەن افريكانىڭ كەدەي مەملەكەتتەرىندە ادامي كاپيتالدى دامىتۋ تۇرعىسىندا اۋقىمدى تەتىكتەر قاراستىرىلۋى ءتيىس» ، - دەدى ەلباسى.
قازاقستان حالىقارالىق ۇيىمدارمەن بىرلەسە كەدەيشىلىكتى جويۋدىڭ كەشەندى جول كارتاسىن ازىرلەۋگە دايىن.
« 2004-2005 - جىلدارى ءبىزدىڭ ەلىمىز كەدەيلىك دەڭگەيىن تومەندەتۋ جوسپارىنا سايكەس، ب ۇ ۇ مىڭجىلدىق جوسپارىنىڭ ماقساتتارىن مەرزىمىنەن بۇرىن ورىندادى. 2007 - جىلى ەل ۇكىمەتى دامۋدىڭ جوعارى ماقساتتارىن ايقىندادى. ءبىز 2015 - جىلعا دەيىن اۋىلدىق جۇرتشىلىق اراسىنداعى كەدەيلىكتى ەكى ەسەگە دەيىن تومەندەتۋ تۋرالى مىندەتتەمە الدىق. الەم دامۋىنىڭ ەڭ باستى مىندەتتەرىنىڭ ءبىرى - بۇل ينكليۋزيۆتى الەۋمەتتىك ءادىل دامۋ» ، - دەدى ەلباسى ن. نازاربايەۆ.
سونىمەن قاتار، مەملەكەت باسشىسى قازاقستاننىڭ ب ۇ ۇ جانە دۇنيەجۇزىلىك بانكپەن، باسقا دا حالىقارالىق ۇيىمدارمەن بىرلەسە وتىرىپ، كەدەيشىلىكتى جويۋدىڭ كەشەندى جول كارتاسىن ازىرلەۋ الاڭىن قۇرۋعا دايىن ەكەنىن اتاپ ءوتتى. « كەدەيشىلىكتى جويۋمەن ساتىلى تۇردە كۇرەسۋ تىكەلەي مەنىڭ جانە تۇتاستاي قازاقستاننىڭ باستى مىندەتى بولدى جانە بۇل سولاي بولىپ تا قالا بەرمەك» ، - دەدى ق ر پرەزيدەنتى.
اۆتور: رۋسلان عابباسوۆ
