مەريلين مونرو تۋرالى قىزىق دەرەكتەر - فوتو
ۇستەلىندە ۇيىقتاتىن دارىلەر شاشىلىپ جاتقان جانە قولىندا تەلەفون تۇتقاسى سالبىراعان كۇيى قالعان. ءبىر قىزىعى، ول ەشقانداي حابارلاما دا، حات تا قالدىرماعان. ءولىمى جۇمباق ۇلى ايەلدىڭ ءومىرى دە جۇمباق ءھام قىزىق بولعان دەسەدى.. .
مونرونىڭ ءومىرى جايلى blogtime.kz جازادى.
1.نورما دجين بەيكەر 1926 - جىلى لوس- اندجەلەس قالاسىندا دۇنيەگە كەلدى. ونىڭ اناسى گلەديس مونرو بەيكەر وعان سول كەزدەگى تانىمال ءارتىس نورما تولمەدجدىڭ ەسىمىن بەرەدى. قۇجاتتاردا بولاشاق اكتريسانىڭ اكەسى مارتين مورتەنسون دەپ كورسەتىلگەن. الايدا، ول كەزدە مورتەنسون مەن كىشكەنتاي نورمانىڭ اناسىنىڭ اجىراسقانىنا ءبىراز ۋاقىت بولىپ قالعان ەدى. سوندىقتان، مورتەنسون نورمانىڭ اكەسى بولۋى مۇمكىن ەمەس جانە مونرونىڭ ناعىز اكەسى كىم ەكەنى بەلگىسىز. كەيىننەن اناسى نورماعا ءوزىنىڭ ءبىرىنشى جۇبايىنىڭ تەگىن بەرەدى.
2. مونرونىڭ اناسى ەسى اۋىسقان ايەل بولاتىن. نورما تۋعان سوڭ ەكى اپتادان كەيىن اناسى ونى پاتروناتتى وتباسىنىڭ تاربيەسىنە بەرەدى. ال، اناسىنىڭ ءوزى پسيحياترلىق ەمحاناعا جاتادى. پاتروناتتى وتباسىندا كىشكەنتاي قىز جەتى جىل تۇرىپ، تاربيەلەنەدى.
3. 1946 - جىلدىڭ تامىز ايىندا قاراپايىم امەريكالىق قىز نورما بەيكەر الەمگە اتى ءماشھۇر مەرلين مونروعا اينالادى. ول اتاقتى «20th Century Fox'» كينوستۋدياسىمەن كەلىسىم شارتقا وتىرادى. بولاشاق جۇلدىزعا كينو ماماندارى كەرول ليند، كلەر نورمان، مەريلين ميللەر سياقتى لاقاپ اتتاردى ۇسىنادى. وسى اتتاردىڭ ىشىنەن اكتريسا مەريلين ەسىمىن تاڭداپ، اناسىنىڭ مونرو اتتى تەگىن الادى. وسىلايشا، شوۋ- بيزنەس الەمىندە مەريلين مونرو ەسىمدى جارىق جۇلدىز پايدا بولدى.
4. مونرومەن جۇمىس ىستەگەن كوپتەگەن رەجيسسەرلەر اكتريساعا ءوز شاعىمدارىن ايتادى. ولاردىڭ ايتۋى بويىنشا: مەريلين ءتۇسىرىلىم كەزىندە ستسەناريدى ءجيى ۇمىتىپ، وتە كوپ قاتەلەسەدى ەكەن. ءتىپتى، كەيدە ءبىر ەپيزود ءتۇسىرۋ ءۇشىن 40 تان استام دۋبل قاجەت بولعان دەسەدى.
5. مونرو PlayBoy جۋرنالىنىڭ العاشقى باسىلىمىنىڭ مۇقاباسىندا بەينەلەنگەن.
6.مونرو ءوزىنىڭ سىرتقى كەلبەتىنە كوپ كوڭىل بولگەن. ول كۇنىنە تەك ءبىر- اق رەت تاماقتانعان، كەي كۇندەرى اپەلسين شىرىنىن عانا ءىشىپ جۇرە بەرگەن. جانە، مىندەتتى تۇردە، ول اپتانىڭ ءبىر كۇنىندە ءتىس دارىگەرىنە بارىپ قارالعان.
7. كوپ ادامدار مونرونىڭ «جەڭىلتەك، اقىماق سارى قىز» دەپ قابىلدايدى. ال، نەگىزى ونىڭ جەكە كىتاپحانا قورىندا 400 دەن استام كىتاپ بولعان ەكەن. اكتريسانىڭ سۇيىكتى جازۋشىلارى: ز. فرەيد، ل. تولستوي، ف. دوستويەۆسكيي، سكوتت فيتسدجەرالد، ا. كاميۋ، دجەيمس دجويس.
8. «جەلىككەن جەتىنشى جىل» فيلمىندە جەلكەم كويلەكپەن تۇسىرىلگەن اتاقتى ەپيزودتى ءتۇسىرۋ (سۋرەتتە) بارىسىندا مەريلين «ۆيسكي- ساۋەر» كوكتەيلىن ىشەدى. وسى فيلمنەن كەيىن ءدال وسى سۋسىن ساتىلىم «حيتىنا» اينالادى. 2011 - جىلدىڭ 19- ماۋسىمىندا اتاقتى اق كويلەك اۋكتسيوندا 4,6 ميلليون ا ق ش دوللارىنا ساتىلادى.
9. 1961 - جىلى مونرو دجون كەننەديمەن تانىسىپ، ونىمەن جاقىن بايلانىستا بولادى. كەننەدي مەن مونرو تۋرالى وسەكتەر حالىق اراسىندا تەز تارايدى. مونرونىڭ ولىمىنە ءوزىنىڭ كوڭىلدەسى بولعان امەريكالىق پرەزيدەنتتىڭ قاتىسى بار دەگەن اڭگىمە بەكەر ەمەس.
10. مەريلين مونرو ەڭ تانىمال سولاقايلاردىڭ قاتارىندا. ءبىراق، ول بارلىق فوتوسۋرەتتەرىندە ءىس- قيمىلدىڭ بارلىعىن وڭ قولىمەن جاساعانى ايقىن كورىنەدى.
11. مەريلين مونرو - «تۆيتتەر» جەلىسىندە «قايتا تىرىلگەن» ادام. «Authentic Brands Group» كومپانياسى «مەريلين مونرو» برەندتىك اتاۋىن 30 ميلليون دوللارعا ساتىپ الىپ، تۆيتتەردە @MarilynMonroe اتتى اككاۋنت اشتى.
