رەسەي مەن قىتاي ب ۇ ۇ- نىڭ سيريا قارارىنا ۆەتو قويدى

استانا. قازاقپارات - رەسەي مەن قىتاي ب ۇ ۇ قاۋىپسىزدىك كەڭەسىنىڭ سيريادا جاسالعان قىلمىستاردى «ادامزاتقا قارسى» جانە «اسكەري قىلمىس» دەپ باعالاپ، حالىقارالىق سوت قاراۋىنا جىبەرۋدى قاراستىراتىن قارارىنا ۆەتو قويدى.

سيريا پرەزيدەنتى باشار اسادتىڭ جاقىن وداقتاستارى - رەسەي مەن قىتاي وسىمەن ءتورتىنشى رەت سيريا تۋرالى قارارعا ۆەتو قويىپ وتىر.

فرانسيا ۇسىنعان قارار جوباسىندا سيريادا سوعىسىپ جاتقان ۇكىمەت اسكەرى مەن كوتەرىلىسشىلەر ارەكەتتەرىن قاتار تەكسەرۋ ۇسىنىلعان ەدى.

باتىس ەلدەرى رەسەي مەن قىتايدىڭ بۇل ارەكەتىن ايىپتادى. ا ق ش- تىڭ ب ۇ ۇ- داعى ەلشىسى سامانتا پاۋەر «ۆەتو قويۋ ارقىلى ماسكەۋ مەن پەكين سيريالىقتاردىڭ ادىلەتتىلىك تابۋعا دەگەن مۇمكىندىكتەرىنە توسقاۋىل جاسادى» دەپ مالىمدەدى.

رەسەي وكىلى ۆيتالي چۋركين قارار جوباسىن «جارناما ءۇشىن جاسالعان ايلا- شارعى» دەپ اتادى.

سيريا پرەزيدەنتى باشار اساد بيلىگىن قۇلاتۋعا ۇمتىلعان كوتەرىلىسشىلەر مەن سيريا ۇكىمەتى اسكەرى اراسىنداعى قاقتىعىستار ءتورتىنشى جىلعا ۇلاسىپ بارادى.

وسى ۋاقىت ىشىندە قاقتىعىستاردان 160 مىڭنان استام ادام مەرت بولىپ، ميلليونداعان ادام كورشىلەس ەلدەرگە بوسىپ كەتتى.