07:41, 23 - مامىر 2014 | GMT +5
تۇركيادا مارقۇم كەنشىلەردى ەسكە الۋ شەرۋى قاقتىعىسقا ۇلاستى - كەسكىن
استانا. قازاقپارات - تۇركيانىڭ ىستامبۇل قالاسىندا اپاتتان قازا تاپقان كەنشىلەردى ەسكە الۋعا ارنالعان شەرۋ سوڭى پوليتسيامەن قاقتىعىسقا ۇلاستى، دەپ جازادى 24.kz.
بۇل ەرەۋىل جەرگىلىكتى بيلىكپەن كەلىسىلمەگەن بولىپ شىقتى. ءتارتىپ ساقشىلارى جۇرتقا كوزدەن جاس اعىزاتىن گاز شاشىپ، سۋ اتقىلادى. ەرەۋىلشىلەر بارريكادالار تۇرعىزىپ، وتتى شولمەكتەر لاقتىردى. وسىنداي جانعىش ىدىستىڭ ءبىرى پوليتسيا كولىگىنە ءتيىپ، وتقا وراندى. شەرۋشىلەردىڭ ءبىرى باسىنان اۋىر جاراقات الىپ، اۋرۋحاناعا ءتۇستى.
ەستەرىڭىزگە سالا كەتەيىك، وتكەن اپتادا كەن ورنىنداعى جارىلىس سالدارىنان 300 دەن استام كەنشى كوز جۇمدى. وسى قايعىلى وقيعادان كەيىن حالىق ۇكىمەتتىڭ وتستاۆكاعا كەتۋىن تالاپ ەتىپ، كوپتەگەن قالادا نارازىلىق شارالارىن وتكىزدى.
