وقۋشى ءسۇت بەزى قاتەرلى ىسىگىنىڭ مۋتاتسيالانعان گەنىن انىقتايتىن پروگرامما ويلاپ تاپتى
Intel International Science and Engineering Fair بايقاۋىندا ءبىرىنشى ورىن الىپ، $75 مىڭ كولەمىندە سىياقى الدى.
جاس عالىم ءسۇت بەزى قاتەرلى ىسىگىنىڭ مۋتاتسيالانعان گەنىن زەرتتەيتىن باعدارلامالىق قۇرال ويلاپ تاپقان. ورتاق عىلىمي مالىمەتتەردى پايدالانا وتىرىپ، قاتەرلى ىسىككە قارسى BRCA1 گەنىنىڭ بارلىق قاسيەتىن زەرتتەگەن. ونىڭ باعدارلاماسى ارقىلى اعزادا بولىپ جاتقان وزگەرىستەردىڭ قاۋىپتىلىگىن بولماسا قاۋىپسىزدىگىن انىقتاۋعا بولادى.
جاس عالىمنىڭ ۇسىنعان عىلىمي شەشىمى 81 پايىزدىق دالدىككە يە ەكەندىگى انىقتالدى. ەندىگى كەزەكتە ونىڭ عىلىمي جەتىستىگى ءسۇت بەزى دەرتىنىڭ پايدا بولۋىن انىقتاۋ مەن الدىن- الۋدا پايدالانىلاتىن بولدى.
بۇل بايقاۋعا الماتىلىق وقۋشى ءادىلسۇلتان لەپەس تە ماتەماتيكا سەكتسياسى بويىنشا قاتىسقان بولاتىن. ونىڭ «100 تەڭسىزدىكتىڭ بالاما دالەلى: قاتىستىلاردىڭ ءبولىنۋ ءادىسى» جوباسى 4 - ورىنعا لايىق دەپ تانىلدى.
«الەم ءوزنىڭ بولاشاعى ءۇشىن دۇرىس شەشىم تابا الاتىن عالىمدارعا، ولاردىڭ ادامزاتتىڭ يگىلىگىنە قىزمەت ەتەتىن عىلىمي جەتىستىكتەرىنە مۇقتاج. Intel بولاشاقتاعى يننوۆاتسيالىق توڭكەرىستەردىڭ اۆتورى جاستار ەكەندىگىنە سەنەدى. بۇگىنگى جەڭىمپازدار وزگە مەكتەپ وقۋشىلارىن دا ءومىرىن عىلىممەن، ماتەماتيكامەن بايلانىستىرۋعا ىنتالاندىرادى دەپ سەنەمىن» ، - دەدى Intel Foundation قورىنىڭ ديرەكتورى ۆەندي حوكينس.
اۆتور: گۇلميرا عوسمانالي
