ش ى ۇ باس حاتشىسى ۇرىمجىدەگى وقيعا بويىنشا مالىمدەمە جاسادى
«شاڭحاي ىنتىماقتاستىق ۇيىمى ءۇرىمجى قالاسىندا ورىن العان لاڭكەستىك اكتى تۋرالى سۋىق حاباردى تەرەڭ كۇيزەلىسپەن قابىلدادى» ، دەلىنگەن ش ى ۇ رەسمي سايتىندا جاريالانعان مالىمدەمەدە.
«ونداعان ادام قازا تاۋىپ، كوپتەگەن ادام جاراقات الدى، تۋىسقاندارىنان ايىرىلعان، سونداي- اق لاڭكەستىكتەن زارداپ شەككەن وتباسىلارعا قايعىلارىنا ورتاقتاسا وتىرىپ، كوڭىل ايتامىز جانە بۇل لاڭكەستىك اكتىنى باتىل ايىپتايمىز» ، - دەلىنگەن مالىمدەمەدە.
ش ى ۇ باس حاتشىسى «لاڭكەستىك بەلسەندىلىككە ءتيىمدى قارسى ارەكەت جاساۋ ءۇشىن حالىقارالىق قوعامداستىقتىڭ ءوزارا ءىس- قيمىلىن ورىستەتە ءتۇسۋدى جالعاستىرۋ ماڭىزدى، بۇل شاڭحاي ىنتىماقتاستىق ۇيىمى ءۇشىن باسىم مىندەت بولىپ تابىلاتىنىن» باسا ايتتى.
ەسكە سالا كەتەيىك، بەيسەنبى كۇنى تاڭەرتەڭ ش ۇ ا ءو اكىمشىلىك ورتالىعى - ءۇرىمجى بازارلارىنىڭ بىرىندە جارىلىستار سەرياسى ورىن الدى، ولاردىڭ سالدارىنان 31 ادام قازا تاۋىپ، 94 ادام زارداپ شەكتى.
