مينيستر وڭتۇستىكتەگى كورشىلەرگە رەنجۋلى
جىلدىڭ ءتۇرلى كەزەڭدەرىندە ورتالىق ازيا ەلدەرىنىڭ سۋ رەسۋرستارىن كەلىسىپ پايدالانۋ ماڭىزدى، دەپ مالىمدەدى اۋىل شارۋاشىلىعى ءمينيسترى اسىلجان مامىتبەكوۆ VII استانا ەكونوميكالىق فورۋمىنىڭ «وزگەرمەلى كليماتقا اۋىل شارۋاشىلىعىن بەيىمدەۋ ماسەلەلەرىندەگى پروبلەمالاردى شەشۋ» پانەلدىك سەسسياسىندا.
«سۋ، اسىرەسە ترانسشەكارالىق وزەندەردى پايدالانۋدا ورتالىق ازيا ەلدەرىنىڭ ىنتىماقتاستىعى وتە ماڭىزدى. اۋىل شارۋاشىلىعىندا تەحنولوگيالاردى، سۋارۋدىڭ زاماناۋي ادىستەرىن عانا دامىتىپ قويماي، رەسۋرستاردىڭ وزدەرىن جىل كەزەڭدەرىندە پايدالانۋ دا ماڭىزدى بولىپ تابىلادى»، - دەدى ا. مامىتبەكوۆ.
ونىڭ ايتۋىنشا، بويىندا بىرنەشە ورتالىق ازيا ەلدەرى ورنالاسقان سىرداريا وزەنى بويىنشا سۋدى راتسيونالدى پايدالانۋ وتە ماڭىزدى.
«مۇندا، وكىنىشكە قاراي، ىلعي دا كەلىسىپ پايدالانۋ ورىن المايدى. وزەننىڭ باستاۋىندا ورنالاسقان ەلدەر سۋ رەسۋرستارىن ەنەرگەتيكالىق رەسۋرس رەتىندە ەلەكتر ەنەرگياسىن ءوندىرۋ ءۇشىن پايدالانادى. سونىمەن بىرگە، ەلەكتر ەنەرگياسى نەگىزىنەن قىسقى مەزگىلدە قاجەت، جانە ەلەكتر ەنەرگياسىن شىعاراتىن سۋ ارال قۇمدارىنا ءسىڭىپ، بوسقا كەتەدى. وعان قوسا، بۇل ەلدەر سۋدى قويمالارعا تولتىرىپ، ونى كەلەسى قىستا ەنەرگيا كوزى رەتىندە پايدالانادى» ، - دەپ ەسەپتەيدى ق ر اۋىل شارۋاشىلىعى مينيسترلىگىنىڭ باسشىسى.
ول سۋ قىسقارىپ جاتقان جاعدايدا «زاماناۋي تەحنولوگيالاردى، مىسالعا كۇرىش نەمەسە ماقتا القاپتارىن بىردەيلەستىرۋ، نەمەسە تىك جانە كولدەنەڭ درەناجداردى پايدالانۋدى ەنگىزۋ ماسەلەسىن كوتەرۋ قاجەت» ەكەنىن اتاپ ءوتتى.
«ۇلت» اقپارات
