سوت كەڭسەلەرىندە مەملەكەتتىك ءتىلدىڭ قولدانىلۋى تاقىرىبىندا سەمينار وتكىزىلدى

استانا. قازاقپارات - بۇگىن ق ر جوعارعى سوتى «سوت كەڭسەلەرىندە ءىس قاعازدارىن جۇرگىزۋدە مەملەكەتتىك ءتىلدىڭ قولدانىلۋى» تاقىرىبىندا بەينە كونفەرەنتس بايلانىس ارقىلى سەمينار وتكىزدى.

سەمينارعا جوعارعى سوتتىڭ سۋدياسى ع. اق- قۋوۆا، ق ر جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى ءى. يسپانوۆ، سونداي- اق جوعارعى سوت اپپاراتىنىڭ قىزمەتكەرلەرى، سوتتاردىڭ كەڭسە باسشىلارى مەن مەملەكەتتىك ءتىلدى دامىتۋمەن اينالىساتىن ماماندارى قاتىستى.

قاتىسۋشىلار سوتتاردا مەملەكەتتىك تىلدەگى ءىس قاعازدارىن جۇرگىزۋدىڭ جاي- كۇيىن جانە ونى قولدانۋدىڭ ساپاسىن ارتتىرۋدىڭ اعىمداعى جانە پەرسپەكتيۆالىق ماسەلەلەرىن تالقىلادى.

سەميناردىڭ قورىتىندىلارى بويىنشا جەرگىلىكتى سوتتار كەڭسەلەرىنىڭ باسشىلارىنا ءىس قاعازدارىن جۇرگىزۋدەگى مەملەكەتتىك ءتىلدىڭ قولدانىلۋ ساپاسىن جاقسارتۋ بويىنشا شارالار قابىلداۋ تۋرالى تاپسىرمالار بەرىلدى ءارى ءتيىستى ۇسىنىمدار قابىلداندى، دەپ حابارلايدى ق ر جوعارعى سوتىنىڭ باسپا ءسوز قىزمەتى.