14:05, 22 - مامىر 2014 | GMT +5
جولاۋشىلار اۆتوبۋسى اپاتقا ۇشىرادى
استانا. قازاقپارات - ا ق ش-تىڭ كاليفورنيا شتاتىندا جولاۋشىلار اۆتوبۋسى اۋدارىلدى. سالدارىنان 4 ادام قازا تاۋىپ، تاعى بىرنەشە تۇرعىن اۋىر جاراقات العان.
ولار اۋرۋحاناعا تىك ۇشاقپەن جەتكىزىلدى.
جول اپاتى بلايت قالاسىنا جاقىن ماڭدا بولعان. الدىڭعى جاقتا كەلە جاتقان جۇك كولىگىنەن جول ۇستىنە تەمىر قۇبىرلار قۇلاعان، اۆتوبۋس سولاردى باسىپ وتكەندە توڭكەرىلىپ تۇسكەن. تاسجولداعى قوزعالىس بىرنەشە ساعاتقا جابىلىپ، كولىكتەر اينالما جولمەن ءجۇرىپ جاتىر. قازىر ارنايى قىزمەت توبى اپات سالدارىن جويۋعا كىرىستى.
24.kz
