الەۋمەتتىك جەلىدەگى حات-حابارلامانى كوبىك ارقىلى الۋعا بولادى

استانا. قازاقپارات - ەندى الەۋمەتتىك جەلىلەر ارقىلى تىلدەسۋ نەمەسە پوشتا ارقىلى حابارلامانى سابىننىڭ كوبىكتەرىمەن الۋعا بولادى.

كورۋ، سەزۋ جانە يىسكەۋ ارقىلى جۇزەگە اساتىن بايلانىستىڭ مۇنداي عاجاپ ءتۇرىن عالىمدار «حرونوسەنسورلىق تاجيىربە» دەپ اتاپ وتىر.

وسى قاعيدات بويىنشا جۇمىس ىستەيتىن قۇرىلعىنى دا ويلاپ تاپقان. Sensa-Bubble قۇرىلعىسىنىڭ كومەگىمەن ەلەكتروندى-حات، حابارلاما، پىكىر جاساندى تۇماننان جاسالعان كوبىكتەر ارقىلى يەسىنە حابارلانادى.

ال ارنايى ورناتىلعان پراجەكتور ولاردى ءتۇرلى تۇسكە بوياپ، بەينەلەردى انىق كورسەتەدى. وسىلايشا بريستول ۋنيۆەرسيتەتىنىڭ عالىمدارى شىعارعان قۇرىلعى ارقىلى كەلگەن حابارلامانى كورىپ، ۇستاپ، يىسكەۋگە بولادى.

كوبىكتەر جارىلعان كەزدە بولمەگە ءيىسى تارالادى. قازىرگە ماماندار قۇرىلعىنىڭ ءتۇپ-تۇلعاسىن عانا سىناقتان وتكىزدى. الايدا جاقىن ۋاقىتتا ونىڭ قولدانىسقا تۇسەتىنىنە سەنىمدى.

 

24.kz