ۆيتسە-مينيستر وتاندىق ايفونداردىڭ قاشان شىعاتىنىن ايتتى

استانا. قازاقپارات - دامىعان وتىز ەلدىڭ قاتارىنا كىرگەندە ءبىز وتاندىق ايفونداردى قولدانۋىمىز ابدەن مۇمكىن.

بۇل تۋرالى VII استانا ەكونوميكالىق فورۋمى اياسىندا IX يننوۆاتسيالىق كونگرەسس بارىسىندا يندۋستريا جانە جاڭا تەحنولوگيالار ۆيتسە-ءمينيسترى ەرلان ساعاديەۆ مالىمدەدى، دەپ حابارلايدى Bnews.kz ءتىلشىسى.

«بىزدەن كوبىنەسە: «سەندەردىڭ يننوۆاتسيالارىڭ، ايفوندارىڭ قايدا؟»- دەپ سۇراپ جاتادى. بۇل ماسەلە ءبىزدىڭ جانىمىزعا باتادى.

مۇنداي تەحنولوگيالار يننوۆاتسيالىق دامىعان 30 ەلدە شىعارىلاتىندىعىن ەسكەرۋ كەرەك.

وسى تۇستا ءبىز يننوۆاتسيالىق دامىعان 30 ەلدىڭ قاتارىنا كىرگەندە، بۇل ماسەلە شەشىلۋى كەرەك»، - دەدى ە. ساعاديەۆ.

«جۇرتشىلىق ايفوندى قولدارىنا ۇستاعاندا تەك ايفوندى كورەدى. ال ءبىز مينيسترلىك رەتىندە ايفوننىڭ ار جاعىنان مەكتەپتەردى، داستۇرلەردى، زەرتتەۋ ورتالىقتارىن، زاڭداردى، باسەكەلەستىك ورتانى كورەمىز. مەملەكەت ايفوندى شىعارۋ ءۇشىن وسى جاعدايدىڭ ءبارى بولۋى كەرەك. ول ءبىر عانا ءونىم ەمەس بارلىق كورسەتكىشتەردى جاقسارتۋداعى جۇيەلى جۇمىس»، - دەپ قوستى ۆيتسە-مينيستر.

ونىڭ ايتۋىنشا، دامىعان وتىز ەلدىڭ قاتارىنا كىرىپ، جۇيەلى ماسەلەلەر شەشىلگەندە عانا ءبىز وتاندىق ايفونداردى ۇستايمىز. ول ءۇشىن ءبىز IT مامانداردى دايارلاپ، وسى سالاعا باسا نازار اۋدارۋىمىز كەرەك. كورەيا ەلىنىڭ تاجىريبەسىن تىلگە تيەك ەتكەن ۆيتسە مينيستر 30  جىل بويى وزگە ەلدىڭ تاجىريبەسىن قولدانعان مەملەكەت، بۇگىندە يننوۆاتسيا بويىنشا الدىڭعى قاتاردا ەكەنىن ايتتى.