استانادا اسىق اتۋدان رەسپۋبليكالىق تۋرنير وتەدى
ق ر سپورت جانە دەنە شىنىقتىرۋ ىستەرى اگەنتتىگى، ق ر ۇلتتىق سپورت تۇرلەرى قاۋىمداستىعى مەن رەسپۋبليكالىق اسىق اتۋ فەدەراتسياسى ۇيىمداستىراتىن تۋرنيردە ەلىمىزدىڭ ءار وبلىسى مەن استانا جانە الماتى قالالارىنىڭ كوماندالارى باسەكەگە تۇسەدى.
جارىسقا شەتەلدىك كوماندالارىنىڭ دا قاتىسۋعا مۇمكىندىكتەرى بار، دەپ حابارلايدى قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنىڭ باسپا ءسوز قىزمەتىنەن.
ءار كوماندا قۇرامىنا 3 ادام كىرەدى: 16 عا تولماعان ويىنشى، 16 دان اسقان سپورتشى جانە 1 جەتەكشى. اشىق تۋرنيرگە ەلىمىزگە تانىمال تۇلعالار مەن زيالى قاۋىم وكىلدەرى دە قاتىسادى دەپ كۇتىلۋدە.
سايىس ق ر ۇلتتىق سپورت تۇرلەرى قاۋىمداستىعى مەن ق ر سپورت جانە دەنە شىنىقتىرۋ ىستەرى اگەنتتىگىنىڭ 2011 - جىلى بەكىتكەن «اسىق اتۋ ويىنىنىڭ ەرەجەسى» بويىنشا جۇرگىزىلەدى.
جەڭىمپازدار مەن جۇلدەگەرلەر ديپلومدارمەن ماراپاتتالىپ، قوماقتى جۇلدەگە يە بولادى. 1- ورىن ءۇشىن 300 مىڭ تەڭگە، 2- ورىنعا - 200 مىڭ تەڭگە، 3- ورىندى يەلەنگەن جۇلدەگەرگە - 100 مىڭ تەڭگە كولەمىندە سىياقى بەرىلەدى.
