ءۇندىستانداعى ستۋدەنتتەر اراسىندا قازاق تىلىنە دەگەن قىزىعۋشىلىق ارتۋدا

استانا. قازاقپارات -  ق ر ءۇندىستانداعى ەلشىسى دۋلات قۋانىشيەۆ قازاق ءتىلىن ۇيرەنىپ جۇرگەن ءۇندى ستۋدەنتتەرىنە العىسحاتتاردى تابىس ەتتى، دەپ حابارلادى ق ر س ءى ڭ م باسپا ءسوز قىزمەتى.

شاراعا دجاميا ميليا يسلاميا ۋنيۆەرسيتەتىنىڭ ستۋدەنتتەرى جانە ەلشىلىك قىزمەتكەرلەرى قاتىستى.

 د. قۋانىشيەۆ ءوز سوزىندە ەلشىلىكتىڭ «قازاق ءتىلى جانە قازاقستان تانۋ ورتالىعىنا» قولداۋ كورسەتۋدى جالعاستىراتىنىن اتاپ ءوتتى.
  ءۇندى تىڭداۋشىلارىنىڭ اتىنان جوعارىدا اتالعان ۋنيۆەرسيتەتتىڭ 2- كۋرس ستۋدەنتى ا. كوللو ءسوز سويلەپ، قازاقستان تاريحىن جانە قازاق ءتىلىن ۇيرەنۋ مۇمكىندىگى ءۇشىن ۇجىم تاراپىنان ءوز العىسىن ءبىلدىردى. ونىڭ ايتۋىنشا، «قازاق ءتىلى جانە قازاقستان تانۋ» ورتالىعى ەلدەر اراسىنداعى دوستىقتى نىعايتاتىن، ءوزارا سۇحبات الماسۋ ورنى بولىپ تابىلادى. 

 2013-2014 وقۋ جىلدارى قازاق ءتىلى ءدارىسىن 10 ادام وقىدى. بيىلعى جىلى دجاميا ميليا يسلاميا ۋنيۆەرسيتەتىنىڭ ستۋدەنتتەرى اراسىنان قازاق ءتىلىن وقيمىز دەگەن ستۋدەنتتەردىڭ سانى كوبەيەدى دەپ كۇتئلۋدە.

قازاق ءتىلى ساباقتارى مەن قازاقستان تاريحىن وقۋمەن قاتار ستۋدەنتتەر ءبىزدىڭ ەلىمىزدەگى بولىپ وتىرعان جاڭالىقتاردى اسا قىزىعۋشىلىقپەن باقىلاپ وتىرادى. قازاقستاننىڭ كوپ سالالارداعى جەتىستىكتەرى جانە ەلدىڭ حالىقارالىق دەڭگەيدەگى بەلسەندىلىگى ستۋدەنتتەردىڭ زور ىنتاسىن تۋعىزۋدا. ولار وزدەرىنە سوڭعى كەزدەرى جاقىن بولعان قازاقستاندى ءوز كوزدەرىمەن كورىپ، قازاقتارمەن سويلەسۋدى ارماندايدى.

ورتالىقتاعى ساباق 2008 - جىلدان بەرى قازاقستاننىڭ ءۇندىستانداعى ەلشىلىگىنىڭ قولداۋىمەن جۇرگىزىلىپ كەلەدى.