18:44, 21 - مامىر 2014 | GMT +5
ۋكراينا ۇكىمەتى ءبىرقاتار قالالارعا الەۋمەتتىك تولەمدەرىن توقتاتتى
استانا. قازاقپارات- ۋكراينا ۇكىمەتى دونەتسك وبلىسىنىڭ سلاۆيانسك جانە كراماتورسك قالاسىنا بەرىلەتىن مەملەكەتتىڭ الەۋمەتتىك تولەمدەرىن توقتاتتى.
بۇل تۋرالى ۋكراينانىڭ ىشكى ىستەر ءمينيسترى ارسەن اۆاكوۆ كييەۆتە وتكەن باسپا ءسوز ءماسليحاتىندا ايتتى.
ارسەن اۆاكوۆ، ۋكراينانىڭ ىشكى ىستەر ءمينيسترى:
- وبلىستىڭ ەكى قالاسىنا مەملەكەت ەسەبىنەن بەرىلەتىن زەينەتاقى جانە بيۋدجەت قىزمەتكەرلەرىنە تولەنىپ كەلگەن جالاقى ۋاقىتشا توقتاتىلادى. وڭىردەگى احۋال ۋشىعىپ تۇر. 18- مامىر كۇنى كراماتورسك قالاسىندا گاز تاراتۋ ستانتسياسى باسىپ الىندى، ەلەكتر جەلىسى ءۇزىلدى. الەۋمەتتىك ماڭىزى بار كوپتەگەن قۇرىلىس نىساندارىنا زاقىم كەلدى، ونىڭ ىشىندە حالىق بانكى مەن تەمىرجول ۆوكزالى جۇمىسىن توقتاتتى. وڭىردەگى جاعداي اسقىنا بەرەتىن بولسا، وبلىستىڭ باسقا دا قالاسىنا كيەۆتەن اقشا اۋدارۋ توقتاتىلادى.
«حابار» ارناسى
