ا ءو س ش ك ەلدەرى قاۋىپسىزدىكتىڭ جالپى ازيالىق جولىنا ءتۇسۋى ءتيىس - شي جينپيڭ
«ءبىز ءبىراۋىزدان ازيا مىندەتتى تۇردە ءوز كەزەڭىن قارسى الادى دەپ شەشتىك. بىزدەر كۇش- جىگەرىمىزدى بىرىكتىرىپ، ءوزارا ءىس- قيمىلدى جولعا قويۋىمىز قاجەت.
قاي ەل دە قاۋىپسىزدىك ماسەلەسى الدىندا جالعىز قارسى تۇرا المايدى. قاۋىپسىزدىك سالاسىنداعى كۇردەلى ىعىتتارعا ءتيىمدى قارسى تۇرۋ ءۇشئن ەسكىرگەن تۇجىرىمدامادان تۇبەگەيلى باس تارتىپ، قاۋىپسىزدىكتىڭ جالپى ازيالىق جولىنا ءتۇسۋ قاجەت» ، - دەدى ول ا ءو س ش ك ءسامميتىنىڭ قورىتىندىسى بويىنشا ق ر پرەزيدەنتى نۇرسۇلتان نازاربايەۆ پەن تۇركيا سىرتقى ىستەر ءمينيسترى احمەت ءداۋىتوعلىنىڭ قاتىسۋىمەن وتكەن باسپا ءسوز ءماسليحاتىندا.
ونىڭ ايتۋىنشا، سامميت قاتىسۋشىلارى ازيا ەلدەرى لاڭكەستىكپەن، ەسىرتكى اعىنىمەن جانە ترانس شەكارالىق ۇيىمداسقان قىلمىسپەن كۇرەستە، ادام قۇقىعىن قورعاۋدا جانە يادرولىق قارۋدى تاراتپاۋ سالاسىندا ءىس جۇزىندەگى ىنتىماقتاستىقتى جۇزەگە اسىرا وتىرىپ، بىرلەسە ازىق- تۇلىك جانە ەنەرگەتيكالىق قاۋپسىزدىكتى قامتاماسىز ەتۋلەرى ءتيىس.
«ءبىز بۇكىل ايماقتى قامتيتىن جانە بارعان سايىن وزەكتى بولىپ وتىرعان ازياداعى قاۋىپسىزدىكتى ينستيتۋتسيونالداندىرۋ جانە قاۋىپسىزدىك پەن ىنتىماقتاستىقتىڭ جاڭا ارحيتەكتۋراسىن قالىپتاستىرۋ ماسەلەلەرىن تالقىلادىق» ، - دەپ اتاپ كورسەتتى ول.
