الەمدىك ءتارتىپ تۇبەگەيلى وزگەرىسكە ۇشىراۋدا - مەملەكەت باسشىسى
«سوڭعى كەزدەرى ءبىز قازىرگى الەمدىك ءتارتىپتىڭ تۇبەگەيلى وزگەرىسكە ۇشىراۋىن باقىلاپ وتىرمىز. الەم وزگەرىسكە ۇشىراپ جاتىر، قاۋىپسىزدىك ازايىپ كەلەدى، مۇلدە جاڭا قاۋىپ- قاتەرلەر تۋىنداۋدا، حالىقارالىق قۇقىق كونستانتاسى وزگەرىپ كەلەدى» ، - دەدى نۇرسۇلتان نازاربايەۆ.
ونىڭ سوزىنە قاراعاندا، بۇل ا ءو س ش ك- عا دەگەن سۇرانىستى ارتتىرادى، سونداي- اق وعان مۇشە ەلدەردەن ىقپالداستىقتى جانە فورۋمنىڭ ماقسات- مىندەتتەرىن ساپالى جۇزەگە اسىرۋىن تالاپ ەتەدى. وسى جىلدار ىشىندە كەڭەسكە مۇشە مەملەكەتتەر ا ءو س ش ك قىزمەتىنىڭ باستى باعىتتارىن دامىتۋ ءۇشىن كوپ شارۋا اتقاردى.
«اسكەري- ساياسي سالادا سەنىم شارالارى تۇجىرىمداماسىن قابىلداۋعا ەرەكشە كوڭىل ءبولىنۋى ءتيىس دەپ ەسەپتەيمىن. بۇل باعىتتاعى العاشقى بىرلەسكەن قادام - تەرروريزمدى جويۋ جانە وركەنيەتتەر اراسىنداعى ديالوگقا قولعابىس بولۋى تۋرالى اءو س ش ك دەكلاراتسياسىن قابىلداۋ بولدى. قازاقستان ا ءو س ش ك مەن ش ى ۇ اراسىنداعى ءوزارا تۇسىنىستىك تۋرالى مەموراندۋمعا قول قويۋدى قۇپتايدى» ، - دەپ اتاپ ءوتتى ن. نازاربايەۆ.
