استاناداعى كورمەدە عارىشتىق تەحنولوگيالار مەن اسكەري روبوت تەحنولوگياسى سالاسىنداعى سوڭعى جەتىستىكتەر كورسەتىلەدى
بۇل تۋرالى بۇگىن اتالعان كورمەگە وراي ۇيىمداستىرىلعان بريفينگتە ق ر قورعانىس ءمينيسترىنىڭ ورىنباسارى، گەنەرال- لەيتەنانت وقاس ساپاروۆ ءمالىم ەتتى.
«استانا اۋەجايىنىڭ اسكەري سەكتورىندا 3- حالىقارالىق قارۋ- جاراق جانە اسكەري- تەحنيكالىق مۇلىكتەرى كورمەسى KADEX-2014 وتەدى. كورمە قوناقتارى مەن قاتىسۋشىلارىنىڭ نازارىنا الەمنىڭ 27 ەلىنىڭ قورعانىس سالاسىنداعى 300 دەن استام كاسىپورىنى ءوز ونىمدەرىن ۇسىناتىن بولادى. 80 نەن استام قازاقستاندىق كاسىپورىندار ءوز ونىمدەرىن كەلۋشىلەر نازارىنا ۇسىنادى. كورمەگە 54 رەسمي دەلەگاتسيا قاتىسادى» ، - دەدى و. ساپاروۆ.
ونىڭ اتاپ وتۋىنشە، اشىق الاڭدار مەن جابىق پوليگونداردا عىلىمنىڭ، ونىڭ ىشىندە اسكەري عىلىمنىڭ، قارۋلانۋ سالاسىنداعى تەحنيكالىق شەشىمدەردىڭ، اسكەري ماقساتتاعى جاڭا ونىمدەردىڭ سوڭعى جەتىستىكتەرى كورسەتىلەتىن بولادى.
«كورمەگە عارىشتىق تەحنولوگيالار مەن اسكەري روبوت تەحنيكالارىن جاساۋمەن اينالىساتىن وتاندىق جانە شەتەلدىك كومپانيالار العاش رەت قاتىسقالى وتىر» ، - دەدى ول.
اۆتور: مارلان جيەمباي
