15:29, 21 - مامىر 2014 | GMT +5
اسكەري جاتتىعۋلارعا بايلانىستى استانادان ۇشاتىن اۋە رەيستەرى كەيىنگە شەگەرىلدى
استانا. قازاقپارات - ەرتەڭنەن باستاپ 25 - مامىرعا دەيىن استانادان ۇشىرىلاتىن اۋە رەيستەرى KADEX-2014 كورمەسىنىڭ اياسىندا وتەتىن وقۋ- جاتتىعۋلارعا بايلانىستى تۇستەن كەيىنگى ۋاقىتقا اۋىستىرىلدى.
بۇل تۋرالى قازاقپارات تىلشىسىنە «استانا حالىقارالىق اۋەجايى» اق ماركەتينگ ءبولىمىنىڭ باسشىسى ليۋدميلا كوپەيچۋك حابارلادى.
«2014 - جىلدىڭ 22-25 - مامىر ارالىعىندا استانا ۋاقىتى بويىنشا 10.00-دەن 13.00-گە دەيىن Ⅲ حالىقارالىق «KADEX-2014» قارۋ- جاراق جانە اسكەري- تەحنيكالىق مۇلىك كورمەسىنە دايىندىق بويىنشا وقۋ- جاتتىعۋلار وتەدى. سول سەبەپتى وسى ارالىقتاعى بارلىق رەيستەر تۇستەن كەيىنگى ۋاقىتقا اۋىستىرىلدى» ، - دەپ مالىمدەدى ل. كوپەيچۋك.
اقتاۋ، اقتوبە، الماتى، سەمەي مەن شىمكەنتكە ۇشاتىن تاڭعى رەيستەر توقتاتىلادى.
