ن. نازاربايەۆتىڭ شاڭحايداعى ينتەرنەت- سۇحباتى
بولاشاقتا جىبەك جولى ءبىر- ءبىرىمىزدى جاقسى تۇسىنۋگە كومەكتەسەدى - ن. نازاربايەۆ
ق ح ر ءتوراعاسى شي جينپيڭ «جىبەك جولىنىڭ ەكونوميكالىق بەلدەۋىن» قۇرۋ ۇسىنىسىن جاسادى. بۇل دۇرىس باستاما، مەن ونى قولدايمىن. مەن دە قىتايلىق جەتەكشىلەرگە «جىبەك جولى الەمى سىيلىعى» ناگراداسى ءۇشىن العىسىمدى بىلدىرەمىن. جىبەك جولى ءبىر- ءبىرىمىزدى جاقسى تۇسىنۋگە كومەكتەسەدى، دەدى ن. نازاربايەۆ قىتايلىق عالامتور پايدالانۋشىلارمەن سۇحباتتاسۋ بارىسىندا. بۇل تۋرالى ەلباسى عالامتور پايدالانۋشىلاردىڭ «جىبەك جولىنىڭ ەكونوميكالىق بەلدەۋىن» قۇرۋ باستاماسىن جۇزەگە اسىرۋدىڭ ماڭىزى قانداي؟ » دەگەن سۇراعىنا جاۋاپ بەرۋ كەزىندە ءمالىم ەتتى.
ق ر پرەزيدەنتى: قازاقستان ءۇشىن كوپ باعىتتى سىرتقى ساياسات وتە ماڭىزدى ورىن الادى
قازاقستان پرەزيدەنتىنىڭ ايتۋىنشا، قازاقستان رەسەيمەن، قىتايمەن جانە يسلام ەلدەرىمەن شەكتەسەدى. ەلىمىزدىڭ تەڭىزگە شىعاتىن ءوز جولى بار. سوندىقتان قازاقستان كولىكتىك ءتۇيىن رەتىندە پايدالانىلۋى مۇمكىن. ق ر ءۇشىن كوپ باعىتتى سىرتقى ساياسات وتە ماڭىزدى ورىن الادى. ق ر رەسەيمەن عانا دوستىق قارىم- قاتىناستا بولىپ قانا قويماي، قىتايمەن دە جاقسى ىقپالداسىپ وتىر. قازاقستاننىڭ بارلىق ەلدەرمەن ارالاسۋى كورشىلەس ەلدەرگە ەشقانداي ىقپال ەتىپ وتىرعان جوق. مەملەكەت تەڭگەرىمدى ءارى ءوز حالقىنا پايدا اكەلەتىن سىرتقى ساياسي باعىتتى ۇستانۋى ءتيىس. بۇل - وتە دۇرىس جول.
بۇل تۋرالى ن. نازاربايەۆ پايدالانۋشىلاردىڭ ءبىرىنىڭ «حالىقارالىق ساياسي ارەنادا ديپلوماتيالىق قاتىناستاردا بالانس ۇستاپ تۇرۋ وتە قيىنعا سوعادى، الايدا قازاقستان بۇل ماسەلەدە جەتىستىككە جەتىپ وتىر. ءسىز بۇعان قالاي قول جەتكىزدىڭىز؟ » دەگەن سۇراعىنا جاۋاپ بەرۋ كەزىندە ءمالىم ەتتى.
ن. نازاربايەۆ: پرەزيدەنتتىڭ جۇمىسى اۋىر ءارى قيىن
پرەزيدەنتتىڭ جۇمىسى وتە اۋىر جانە قيىن، ءبىزدىڭ بوس ۋاقىتىمىز جوق، كۇنى- ءتۇنى، دەمالىسسىز جۇمىس ىستەيمىز. ن. نازاربايەۆ قىتايدىڭ شاثحاي قالاسىندا وتكەن ونلاين- سۇحباتتىڭ بارىسىندا ينتەرنەت پايدالانۋشىسىنا وسىلايشا باياندادى. ول جاس ينتەرنەت پايدالانۋشىلارمەن ءوزىنىڭ ومىرلىك تاجىريبەسىمەن ءبولىستى.
قىتاي حالقى ەڭبەكقور ادامداردى جاقسى كورەدى، ءبىزدىڭ قازاقستاندىقتار دا ەڭبەكسۇيگىش حالىق، دەدى ن. نازاربايەۆ.
قىتاي مەن قازاقستان اراسىنداعى ەكىجاقتى تۋريزم بەلگىلى ءبىر بيىكتىككە ءالى جەتكەن جوق - ن. نازاربايەۆ
«قىتاي مەن قازاقستان اراسىنداعى ەكىجاقتى تۋريزم بەلگىلى ءبىر بيىكتىككە ءالى جەتكەن جوق. 2017 - جىلى قازاقستاندا ەكسپو كورمەسى وتەدى. ءدال سول جىلدى ءتوراعا شي جينپيث ەكەۋمىز قىتاي مەن قازاقستان تۋريزمىنىڭ جىلى دەپ جاريالاۋدى ۇيعاردىق، دەدى ن. نازاربايەۆ شاثحايداعى قىتايلىق عالامتور پايدالانۋشىلارمەن اڭگىمەلەسۋ بارىسىندا.
ن. نازاربايەۆ: مادەني سالاداعى ىنتىماقتاستىقتى كەڭەيتۋ قاجەت
بۇگىندە 8000 نان استام قازاقستاندىق ستۋدەنت قىتايدا ءبىلىم الۋدا، ءبىز دە قىتايلىق ستۋدەنتتەردى قازاقستاننىڭ ۇلتتىق ۋنيۆەرسيتەتىندە ءبىلىم الۋعا شاقىردىق. 250 ستۋدەنتتى جازعى لاگەرگە شاقىردىق، بۇل جوبا جۇزەگە استى. مادەني الماسۋعا كەلەتىن بولساق، بۇل تۇرعىدا ءبىراز ەڭبەك ەتۋىمىز كەرەك، دەدى ن. نازاربايەۆ شاثحايداعى قىتايلىق عالامتور پايدالانۋشىلارمەن اڭگىمەلەسۋ بارىسىندا.
ن. نازاربايەۆ: ءبىز قىتايدىڭ دامۋى ءۇشىن ەنەرگيا جەتكىزىپ تۇرا الامىز
«ءبىزدىڭ تاۋار اينالىمىمىز 29 ميلليارد دوللارعا جەتتى، بۇل ءبىزدىڭ ءوزارا قارىم- قاتىناسىمىزدان حابار بەرەدى» ، - دەدى قازاقستان پرەزيدەنتى نۇرسۇلتان نازاربايەۆ. بۇل تۋرالى ەلباسى عالامتور پايدالانۋشىلاردىڭ ءبىرىنىڭ «ءسىز قازىرگى جاعدايدى قالاي باعالاپ وتىرسىز جانە قازاقستان مەن قىتاي اراسىنداعى ەكىجاقتى قارىم- قاتىناستى دامىتۋدىڭ قانداي پەرسپەكتيۆالارى بار؟ » دەگەن سۇراعىنا جاۋاپ بەرگەندە ايتتى.
ءبىز قىتايدىڭ دامۋى ءۇشىن ەنەرگيا جەتكىزىپ تۇرا الامىز. وعان قوسا، قازاقستاندىق مۇنايدىڭ 25 پايىزدان استامى قىتاي تاراپىمەن وندىرىلەدى. ەندى ءبىز مۇناي جانە گاز قۇبىرلارىن سالىپ جاتىرمىز. ولاردىڭ 2300 شاقىرىمى قازاقستان اۋماعىندا، دەپ مالىمدەدى ن. نازاربايەۆ.
نازاربايەۆ قىتايعا جاساعان ساپارى بارىسىندا فارماتسيەۆتيكا، اۋىل شارۋاشىلىعى جانە ينفراقۇرىلىم سالالارىندا ءبىرقاتار كەلىسىمدەرگە قول قويىلعانىن اتاپ ءوتتى. ءبىزدىڭ ماقساتىمىز - ەكى ەلدىڭ تاۋار اينالىم كولەمىن 40 ميلليارد دوللارعا دەيىن جەتكىزۋ.
ا ءو س ش ك تەتىگى تابىستى جۇمىس جاساپ، ازيا ەلدەرى اراسىندا ءوزارا سەنىمدى نىعايتۋدا - قازاقستان پرەزيدەنتى نۇرسۇلتان نازاربايەۆ
قازاقستان پرەزيدەنتىنىڭ ايتۋىنشا، ا ءو س ش ك تەتىگى ون جىلدان استام ۋاقىت بويى تابىستى جۇمىس جاساپ كەلەدى ءارى ازيانىڭ ءارتۇرلى ەلدەرى اراسىندا ءوزارا سەنىمدى نىعايتۋدا. ازيا ەلدەرى باسشىلارىنىڭ ا ءو س ش ك تەتىگى شەڭبەرىندە ساپار الماسۋلارى وتە پايدالى بولىپ تابىلادى.
بۇل تۋرالى ن. نازاربايەۆ عالامتور پايدالانۋشىلارىنىڭ ءبىرىنىڭ «1992- جىلى ب ۇ ۇ باس اسسامبلەياسىنىڭ 47- سەسسياسىندا: «ءسىز ا ءو س ش ك قۇرۋ تۋرالى باستاما كوتەردىڭىز. ءسىزدىڭ باستاپقى نيەتىڭىز قانداي بولدى؟ بۇگىنگى تاڭدا ايماقتاعى تۇراقتىلىققا قاۋىپ توندىرەتىن قانداي ماسەلەلەر بار؟ قاۋىپسىزدىكتى ساقتاۋ ۇدەرىسىندە ا ءو س ش ك ءوز ءرولىن قالاي كورسەتە الادى؟ » دەگەن سۇراعىنا جاۋاپ بەرۋ كەزىندە ءمالىم ەتتى.
***
ەسكە سالا كەتەيىك، ق ر پرەزيدەنتى ن. نازاربايەۆ ق ح ر ءتوراعاسى شي جزينپيثنىڭ شاقىرۋىمەن مامىردىڭ 19-نان 22-نە دەيىن قىتايدا مەملەكەتتىك ساپارمەن بولادى. ساپار اياسىندا ەلباسى قىتايدا وتەتىن ازياداعى ءوزارا ءىس- قيمىل جانە سەنىم شارالى كەڭەسىنىڭ (ا ءو س ش ك) 4- سامميتىنە قاتىسادى.
