قورعاس كەدەن بەكەتىندە قىتايدان زاڭسىز ءدارى- دارمەك وتكىزگەن قازاقتار ۇستالدى
استانا. قازاقپارات - اعىمداعى جىلعى ساۋىردە وتكىزىلگەن جەدەل- ىزدەستىرۋ شارالارى ناتيجەسىندە قارجى پوليتسيا قىزمەتكەرلەرى ق ح ر- نان قازاقستان رەسپۋبليكاسىنىڭ اۋماعىنا «قورعاس» كەدەن بەكەتى ارقىلى ءدارى- دارمەك جانە حالىق تۇتىناتىن تاۋارلاردى كونتراباندالىق جولمەن كىرگىزۋدىڭ كانالىن توقتاتتى، دەپ حابارلايدى قارجى پوليتسياسىنىڭ باسپاءسوز قىزمەتىنەن.
«ۇزاق ۋاقىت بويى زاڭسىز جولمەن قازاقستان اۋماعىنا كونتراباندالىق ءدارى- دارمەك پەن ح ت ت كىرگىزدى دەگەن ايىپپەن يمان ونەرگۇل جانە يمان باحىتگۇل ۇستالدى. ولار كونتراباندالىق جۇكتى زاڭسىز رەسىمدەۋ ءۇشىن بىرنەشە رەت جالعان تۇلعالاردى تۋريست رەتىندە پايدالانعان. مەملەكەتكە كەلتىرىلگەن زالالدىڭ جالپى سوماسى 8 ميلليون تەڭگەنى قۇرادى» ، - دەپ جازىلعان حابارالامادا.
اعىمداعى جىلعى 13- مامىردا اتالعان فاكت بويىنشا الماتى وبلىسىنىڭ قارجى پوليتسياسى دەپارتامەنتى قىلمىستىق ءىس قوزعادى.
تەرگەۋ بارىسىندا كونتراباندالىق ءدارى- دارمەكتىڭ شىعارۋ راستىعىن جانە ولاردان ازاماتتاردىڭ دەنساۋلىعىنا بولۋى مۇمكىن قاۋىپتى انىقتاۋ ماقساتىندا سوت ساراپتامالارى وتكىزىلەتىن بولادى.
ايىپتالۋشىلارعا قاتىستى بۇلتارتپاۋ شاراسىن تاعايىنداۋ ماسەلەسى شەشىلۋدە.
