امەريكالىقتار
ءبىراق، ولاردىڭ بارلىعى بىردەي جاقسى ويدا ەمەس. www.headline.kz سايتىنىڭ حابارلاۋىنشا، امەريكالىق «تۆيتتەر» ميكروبلوگىن قولدانۋشىلار الەمدە قازاقستان دەگەن ەلدىڭ بارىن ەندى ءبىلىپ جاتقان كورىنەدى. الەكساندر مەن زۇلفيا التىن الىپ، قازاقستان جالپىكوماندالىق ەسەپتە الدىڭعى قاتاردا تۇرعان سوڭ، بىرنەشە امەريالىق «تۆيتتەر» قولدانۋشىلارى مىناداي ماتىندە حابارلامالار جازعان:
«مەن ۇنەمى بورات قازاقستان دەگەن ەلدى ويدان قۇراستىرعان دەپ ويلايتىن ەدىم»
«قازاقستاننىڭ شىنىمەن ءومىر سۇرەتىن مەملەكەت ەكەنىن بىلمەپپىن»
«قازاقستان - بۇل ەۋروپا ما؟ مەنىڭ كۇمانىم بار»
«مەن قازاقستاندى تاياۋ شىعىستا دەپ ويلاتىنمىن. ءبىراق، ولاردىڭ ءتۇسى اق جانە ازياتتارعا ۇقسايدى»
«قازاقستان شىنىمەن بار بولىپ شىقتى.ەندى باسقا ەلدەرگە كوشەلىك»
بۇل جازبالاردى بلوگەر پيتەر ۆيداني جيناعان.
كارتادا قازاقستاننىڭ بار جوعىن بىلمەيتىن جالعىز امەريكالىقتار عانا ما ەكەن؟! ماسەلەن، لوندون وليمپياداسىن ۇيىمداستىرۋشىلار تالدىقورعاندا تۋىپ، رەسەيگە كوشىپ كەتكەن بوكسشى سەرگەي ۆودوپيانوۆ تۋرالى مالىمەت بەرگەندە، قازاقستاندى رەسەيدىڭ ايماعى دەپ كورسەتكەن. ءدال وسىلاي ۋكراينانى دا جازىپ جىبەرگەنى ءۇشىن ۋكرايندار شۋ كوتەردى. ال، قازاقستان تاراپى ءۇنسىز...
