باراك وباما پرەزيدەنتتىك سايلاۋدا جەڭىسكە جەتەتىندىگىنە سەنىمدى

 اتانا. 31 - شىلدە. قازاقپارات - باراك وباما ەگەر ا ق ش-تاعى پرەزيدەنتتىك سايلاۋ بۇگىن وتسە، وندا رەسپۋبليكالىقتار اتىنان مەملەكەت باسشىسى لاۋازىمىنا كانديدات بولىپ تىركەلگەن ماسساچۋسەتس شتاتىنىڭ بۇرىنعى گۋبەرناتورى ميتت رومنيدى جەڭەتىندىگىنە سەنىمدى.

يتار-تاس اگەنتتىگىنىڭ حابارلاۋىنشا، بۇل تۋرالى قازىرگى اكىمشىلىك باسشىسى مانحەتتەندە دەموكراتيالىق پارتيانىڭ سايلاۋالدى قورىنا قارجى جيناۋعا ارنالعان شارادا ايتقان.

«نوماد» قوناق ۇيىندە وتكەن وبامامەن كەزدەسۋگە كىرۋ بيلەتىن 35،8 مىڭ دوللاردان ساتىپ العان 60 ادام كەلگەن. وسىلايشا ءبىر مەزەتتە پارتيانىڭ سايلاۋالدى قورىنا 2،3 ميلليون دوللاردان استام قارجى سالىندى.

ا ق ش پرەزيدەنتى ەلدەگى ەڭ ءىرى ىسكەرلىك ورتالىقتاردان دەمەۋشىلىك قارجى جيناۋعا شىنداپ كىرىسسە، ونىڭ باستى قارسىلاسى ميتت رومني حالىقارالىق بەدەلىن كوتەرۋ ءۇشىن ۇلى بريتانيا، يزرايل، پولشا مەملەكەتتەرىن ارالاۋدا.

گەللاپ قىزمەتىنىڭ زەرتتەۋلەرىن سايكەس، قازىرگى ۋاقىتتا وبامانى دا، رومنيدى دە ا ق ش ازاماتتارى تەڭ قولدايدى، ياعني ەكەۋىن دە جاقتاۋشىلار 46 پايىزدان.

اۆتور: مارلان جيەمباي